Policia fut në “kurth” shoferët “e pabindur”/ Kap me dron shkeljet në rrethrrotullim

4 Korrik 2022, 17:29, Kronika CNA
Policia fut në “kurth” shoferët “e pabindur”/
Pamje e kapur me dron nga rrethrrotullimi

Policia ka nxjerrë sot dronin tek rrethrrotullimi tek Ekonomiku, ku janë kapur "mat" disa drejtues mjetesh, që nuk respektojnë përparësinë dhe sinjalistikën në rrethrrotullim.

Blutë raportojnë se këta persona janë gjobitur nga 5000-8000 lekë të rinj.

Policia kujton shoferët të ndezin sinjalet 50 metra përpara ndryshimit të trajektores apo të korsisë, si dhe i bën thirrje të respektojnë Kodin Rrugor.

“Në këto pamje “Droni edukues” konstaton se drejtuesit e mjeteve nuk respektojnë përparësinë dhe sinjalistikën në rrethrrotullim.

Kujdes! Në rrethrrotullim, përparësi i jepet mjetit që lëviz në të!

Në çdo rast, 50 m përpara ndryshimit të trajektores apo të korsisë, drejtuesi i mjetit duhet të ndezë sinjalin përkatës.

Shkelja e këtij detyrimi, për herë të parë, ndëshkohet me gjobë 5000-8000 lekë të rinj, sipas nenit 143 të Kodit Rrugor.

Komisariati i Qarkullimit Rrugor Tiranë u bën thirrje përdoruesve të rrugës të respektojnë Kodin Rrugor.

Udhëto i sigurtë, respekto rregullat e qarkullimit rrugor!”, thuhet në njoftim./ B.A. – CNA.al



Lajmet e fundit nga