web counter
LEXO PA REKLAMA!

SHKARKO APP

App Store
Google Play

Zbulohen bimë narkotike në pyll/ Kapen “mat” dy të rinjtë në Shkodër

4 Korrik 2022, 15:48, Kronika CNA
Zbulohen bimë narkotike në pyll/ Kapen “mat” dy të
Dy personat e arrestuar

Finalizohet nga Komisariati i Policisë Shkodër, operacioni policor i koduar “Gimaj”, në kuadër të të cilit u evidentua dhe u godit një rast i kultivimit të bimëve narkotike.

Blutë bëjnë me dije se gjatë kontrolleve nga toka dhe nga ajri, duke përdorur edhe dronë, kanë evidentuar në vendin e quajtur “Pylli i Staneve të Gakut”, në fshatin Gimaj, në një ambient të hapur, në terren të pyllëzuar, bimë të dyshuara narkotike cannabis sativa.

Raportohet se në afërsi të këtij ambientit u bë e mundur kapja  dhe arrestimi në flagrancë i shtetasve me iniciale E.D., 25 vjeç, banues në fshatin Grudë e Re, Shkodër dhe M.N., 23 vjeç, banues në lagjen “3 Heronjtë” të Shkodrës.

Si rezultat i kontrollit të imtësishëm të territorit nga ana e shërbimeve të Policisë, u bë e mundur edhe gjetja dhe sekuestrimi në cilësinë e provës materiale i një arme zjarri automatik dhe municioni luftarak, në një ambient në afërsi të sipërfaqes së mbjellë me bimë narkotike.

Vijon puna për dokumentimin e plotë të kësaj veprimtarie kriminale, si dhe identifikimin e kapjen e personave të tjerë të përfshirë në të.

Ndërkaq, materialet iu referuan Prokurorisë pranë Gjykatës së Rrethit Gjyqësor Shkodër, për veprat penale “Kultivimi i bimëve narkotike”, kryer në bashkëpunim dhe “Mbajtja pa leje e armëve dhe i municionit”./ B.A. – CNA.al

 





Lajmet e fundit nga