LEXO PA REKLAMA!

SHKARKO APP

E fundit!

x

Kalonte në kufi emigrantë të paligjshëm/ Kapet 26-vjeçari i shpallur në kërkim

4 Korrik 2022, 11:52, Kronika CNA
Kalonte në kufi emigrantë të paligjshëm/ Kapet
Foto ilustruese

Policia ka vënë në pranga shtetasin Alban Mija, i cili ishte i shpallur në kërkim. Ky shtetas kalonte në kufi emigrantë në mënyrë të paligjshme.

Gjithashtu Gjykata e Rrethit gjyqësor Gjirokastër e ka dënuar me 3 vite e 4 muaj burg për veprën penale “Ndihma për kalim të paligjshëm të kufijve".

Shërbimet e Komisariatit të Policisë Nr. 6, në vijim të punës për kapjen e personave të shpallur në kërkim dhe vënien e tyre para përgjegjësisë ligjore, bazuar dhe në informacionet e marra në rrugë operative, për vendndodhjen e një shtetasi në kërkim, organizuan dhe finalizuan operacionin policor të koduar 'Circle'.

Si rezultat i këtij operacioni, në vendin e quajtur '2 rrathët', në unazën e re, u bë kapja dhe arrestimi i shtetasit:

- Alban Mija, 26 vjeç, banues në Kamzë.

Ky shtetas ishte shpallur në kërkim, pasi Gjykata e Rrethit Gjyqësor Gjirokastër, me vendimin e datës 16.12.2020, e ka dënuar me 3 vjet e 4 muaj burgim, për veprën penale 'Ndihma për kalim të paligjshëm të kufijve'", njofton policia./A.E-CNA.al

Lajmet e fundit nga