LEXO PA REKLAMA!

SHKARKO APP

Vriten gjashtë ushtarë turq nga luftëtarët kurdë në Irak

10 Gusht 2023, 22:07, Kosova & Bota CNA

Vriten gjashtë ushtarë turq nga luftëtarët kurdë

Të paktën gjashtë ushtarë turq janë vrarë në përleshjet me luftëtarët e Partisë Punëtore të Kurdistanit (PKK) në Irakun verior, ka thënë ministria e mbrojtjes e Turqisë, raporton Aljazeera.

Luftimet u zhvilluan të mërkurën dhe në orët e hershme të së enjtes në Zap, një rajon ku Turqia po kryen një operacion ndërkufitar të quajtur “Claw-Lock” që nga prilli 2022.

Sulmet ajrore turke në pozicionet e PKK-së pasuan, duke lënë të vdekur katër luftëtarë të PKK-së, sipas ministrisë.

Ankaraja thotë se ofensiva është një masë për të parandaluar PKK-në të përdorë Irakun si bazë për të kryer sulme në Turqi.

PKK ka fortifikime të mëdha rreth rajonit, ku "terreni është shumë i vështirë", por rajoni do të "pastrohet nga terroristët" pavarësisht sulmeve, tha një zyrtar i ministrisë së mbrojtjes.

"Ushtarët tanë nuk do ta lënë gjakun e dëshmorëve në tokë," tha koloneli turk Zeki Akturk në një konferencë shtypi të enjten, duke shtuar se forcat turke "do të vazhdojnë luftën e tyre kundër terrorizmit me të njëjtën vendosmëri derisa të mos ketë asnjë terrorist të vetëm.

PKK, e cila ka baza rreth Irakut verior, është cilësuar një grup "terrorist" nga Turqia, Shtetet e Bashkuara dhe Bashkimi Evropian./ CNA

Lajmet e fundit nga