web counter
LEXO PA REKLAMA!

SHKARKO APP

App Store
Google Play

E fundit!

x

Kim Jong Un urdhëron nisjen e përgatitjeve për luftë

10 Gusht 2023, 20:31, Kosova & Bota CNA

Kim Jong Un urdhëron nisjen e përgatitjeve për luftë

Lideri i Koresë së Veriut, Kim Jong Un, e ka shkarkuar gjeneralin e lartë dhe i ka bërë thirrje ushtrisë t’i nisë përgatitjet për luftë “në mënyrë ofensive”, përfshirë duke e rritur prodhimin e armeve dhe duke bërë më shumë stërvitje, raportuan të enjten mediat shtetërore.

Njoftimet u bënë gjatë një takimi të Komisionit Qendror Ushtarak të mërkurën, njoftoi KCNA, agjencia e lajmeve e Koresë së Veriut.

Me një cigare në dorë, Kim u pa duke biseduar në një dhomë të mbushur plot me gjeneralë të painformuar, dhe duke bërë me gisht në drejtim të hartave, derisa po fliste për “veprime të mëdha ushtarake” kundër Koresë së Jugut, raportojnë mediat vendase.

Javën e kaluar, zoti Kim vizitoi disa fabrika kryesore të armëve për tre ditë nga e enjtja deri të shtunën.

Takimi ushtarak vjen pasi Seuli dhe Uashingtoni pritet të fillojnë stërvitjet e tyre të mëdha vjetore të përbashkëta ushtarake në fund të gushtit.

Kim shefin e shtabit të përgjithshëm, e zëvendësoi me Ri Yong Gil, raportoi AQLKV.

Park, i cili ishte promovuar në këtë pozitë vitin e kaluar, mund të jetë shkarkuar “sepse ai nuk dëshmoi se ka kompetenca të mjaftueshme në fushën e operacioneve ushtarake”, sipas Cheong Seong-chang, hulumtues në Institutin Sejong.

“Kimi ka treguar një prirje për t’i zëvendësuar shpejt zyrtarët kur ata gjykohen se nuk kanë aftësi për t’i kryer dhe kontrolluar detyrat e veta”, tha ai.

Në fund të korrikut, Kim i bëri ministrit rus të Mbrojtjes Sergei Shoigu një turne në armët më të reja dhe më të avancuara të vendit, duke përfshirë raketat balistike dhe dronët./ CNA





Lajmet e fundit nga