LEXO PA REKLAMA!

SHKARKO APP

Komplotuesit e grushtit të shtetit në Niger do të vrasin Bazoum në rast sulmi

10 Gusht 2023, 20:03, Kosova & Bota CNA

Komplotuesit e grushtit të shtetit në Niger do të vrasin Bazoum

Regjimi ushtarak i instaluar pas një grushti shteti në Niger i ka thënë një diplomati të lartë amerikan se do të vrasë presidentin e rrëzuar Mohamed Bazoum nëse vendet fqinje tentojnë ndonjë ndërhyrje ushtarake për të rivendosur sundimin e tij.

Një nga zyrtarët tha se puçistët i thanë nënsekretares amerikane të shtetit Victoria Nuland për kërcënimin ndaj Bazoum gjatë vizitës së saj në vend ditët e fundit. Një tjetër zyrtar amerikan konfirmoi këtë version, duke folur në kushte anonimiteti.

Sakaq SHBA dhe OKB janë të shqetësuara për shëndetin dhe sigurinë e presidentit të zgjedhur të Nigerit, Mohamed Bazoum, i cili ka kaluar më shumë se dy javë në arrest shtëpiak.

"Ne jemi shumë të shqetësuar për shëndetin e tij dhe sigurinë e tij personale dhe sigurinë personale të familjes së tij," tha një zëdhënës i Departamentit të Shtetit të SHBA.

Komuniteti Ekonomik i Shteteve të Afrikës Perëndimore (Ecoëas) u kishte dhënë kohë udhëheqësve të grushtit të shtetit të Nigerit deri të dielën që të largoheshin.

Udhëheqësit e Ecoëas po takohen në Nigeri për të vendosur se çfarë të bëjnë më pas./ CNA

Lajmet e fundit nga