E fundit!

13:58 Aktualitet

SPAK sekuestron pasurinë në pronësinë indirekte të Belinda Ballukut

Prokuroria e Posaçme ka vendosur masën e sekuestrimit pasu...

Historia e jashtëzakonshme me Tiranën, Egbo intervistë për mediat në Nigeri: Ja si i transformova bardheblutë

12 Qershor 2020, 17:55, Sport CNA

Historia e mrekullueshme e Egbosë te Tirana ka sjellë një vëmendje të madhe edhe për mediat në Nigeri. Mes çudisë dhe përgëzimeve, raportohet sesi trajneri ka lënë përgatitjen e portierëve dhe ka marrë drejtimin e skuadrës kryeqytetase për të vazhduar një rekord të fitoreve, pa e njohur kurrë shijen e humbjes.

Emanuel Egbo e ka thënë shumë herë se gjithçka nis që me emrin e tij të shenjtë: ?Zoti është me ne?. Pra Tirana ka edhe fatin në krahë për të vazhduar ëndrrën dhe për të prekur titullin kampion. Por pavarësisht se e kanë vendosur një dorë në të, Egbo tregohet pafundësisht i kujdesshëm duke mos premtuar asgjë.

Në Shqipëri nuk ka ndodhur kurrë, por edhe kur e pyesin në Nigeri sesa afër është për të shkuar në ?Champions League? për fazat kualifikuese, trajneri përmbahet duke thënë se nuk i bën kurrë llogaritë e matematikës dhe sheh gjithmonë për ndeshjen tjetër.

?Tirana ishte në vendin e tetë kur unë e kam marrë në muajin dhjetor, pasi shkarkuan trajnerin dhe asokohe isha si trajner i portierëve. Në fillim dua të falenderoj Zotin, ai ka meritat. Ishte faktori motivues dhe i inspirimit. Më zgjodhi që të bëja këtë punë në emrin e tij të shenjtë.

Lojtarët e Tiranës ishin të rënë psikologjikisht dhe fizikisht kur i mora unë. Së bashku me stafin, i futëm në rrugën e duhur dhe nisëm të fitonim, tani me 16 ndeshje të tilla.

Kualifikimi në ?Champions League? Po i marrim ndeshjet njëra pas tjetrës, të fitojmë të parën dhe pastaj të vazhdojmë me tjetrën. Nuk më pëlqen llogaria dhe matematika. Të gjitha ndeshjet janë finale, këtë i kam thënë djemëve të mi?, u shpreh Egbo për ?Allnigeriasoccer.com?.