web counter
LEXO PA REKLAMA!

SHKARKO APP

App Store
Google Play

E fundit!

x

Befason Galiani dhe Berluskoni, kërkojnë me ngulm futbollistin e Kombëtares shqiptare

12 Qershor 2020, 15:40, Sport CNA

Pak ditë më parë, Silvio Berluskoni premtoi se Monza do të ngjitej në Serinë B në fund të edicionit për të qëndruar vetëm pak kohë atje, pasi synonte Serinë A dhe pozita prestigjioze në elitë. Nuk ka vonuar shumë dhe Adriano Galiani është vënë në lëvizje për të siguruar elementët që do ta ndihmojnë skuadrën për të arritur këta objektiva të rëndësishëm e për të bërë të mundur që ajo të ngjitej sa më lart. Një prej emrave që ka piketuar është edhe ai i mesfushorit të përfaqësueses shqiptare, Emanuele Ndoj.

ipas mediave italiane, Galiani do të rinovojë ekipin në dispozicion të Brokit në Serinë B, duke afruar lojtarë me shumë cilësi, por edhe që kanë perspektivë për një projekt afatgjatë. Kështu, po kërkohet sidomos një sulmues me peshë, por edhe një mesfushor i cili të mbulojë të dy fazat në këtë repart.

Emri i Ndojit duket i duhuri, me mesfushorin i cili ka treguar vlerat e tij si në Serinë B, ashtu edhe në atë A në këtë sezon me Breshian. Fakti që kjo skuadër shumë shpejt do të bjerë nga kategoria, mund ta bëjë Ndojin të pranojë ofertën e Monzës, për të ndjekur këtë projekt të ri që ka krijuar shumë kurizozitet pasi të gjithë duan të shohin nëse Berluskoni dhe Galiani mund të krijojnë një tjetër ekip cilësor dhe ta çojnë në elitë.





Lajmet e fundit nga