web counter
LEXO PA REKLAMA!

SHKARKO APP

App Store
Google Play

Befasia e merkatos/ Alban Hoxha te Tirana, Karabeci te Partizani

12 Qershor 2020, 07:35, Sport CNA

Merkatoja e verës mund të sjellë lëvizje të bujshme në kryeqytet, pasi nuk përjashtohet mundësia që të kemi një rokadë kapitenësh mes Partizanit dhe Tiranës. Alban Hoxhës i është shtruar tashmë tapeti i kuq për të kaluar te bardheblutë, pasi Partizani për momentin duket se nuk e ka në plane për të nisur një sezon të ri bashkëpunimi me portierin.

Presidenti i Tiranës, Refik Halili, si dhe trajneri Emanuel Egbo, në deklaratat e tyre gjatë ditëve të fundit, janë ngacmuar për një afrim të mundshëm të Alban Hoxhës te bardheblutë në sezonin e ardhshëm. Të dy kanë lënë të kuptohet se nëse palët do të ishin dakord, nuk ka arsye pse të mos bëhej një marrëveshje, paçka se për momentin Hoxha është kapiten i Partizanit.

Por, duke parë që ?demat? po e anashkalojnë, nuk ka asnjë barrierë për Hoxhën, i cili njëkohësisht heq edhe barrën e tifozëve, se nuk ishte ai që e braktisi anijen, por klubi e hodhi në rrugë. Erando Karabeci është kapiten ?de jure? i Tiranës, pasi ?de facto? është Muça që luan dhe në fund të sezonit i mbaron kontrata.

Ka kohë që janë hedhur hipotezat e rikthimit të Karabecit te klubi që u krijua dhe u rrit si futbollist. 31-vjeçari u largua nga familja e kuqe në verën e 2009-ës, pas zbritjes së skuadrën në Kategorinë e Parë. Që nga ai moment mesfushori ka luajtur vetëm për Tiranën, ku arriti të mbajë edhe shiritin e kapitenit.





Lajmet e fundit nga