LEXO PA REKLAMA!

SHKARKO APP

Revolucion në fizikë/ Shkencëtarët zbulojnë forcën e pestë të natyrës?

10 Gusht 2023, 19:16, Kosova & Bota CNA

Revolucion në fizikë/ Shkencëtarët zbulojnë forcën

Shkencëtarët pranë Çikagos thonë se mund të jenë më afër zbulimit të ekzistencës së një force të re të natyrës.

Ata kanë gjetur më shumë prova se grimcat nën-atomike, të quajtura muone, nuk po sillen në mënyrën e parashikuar nga teoria aktuale e fizikës nën-atomike.

Shkencëtarët besojnë se një forcë e panjohur mund të jetë duke vepruar mbi muonet, shkruan BBC.

Do të nevojiten më shumë të dhëna për të konfirmuar këto rezultate, por nëse ato verifikohen, mund të shënojë fillimin e një revolucioni në fizikë.

Të gjitha forcat që përjetojmë çdo ditë mund të reduktohen në vetëm katër kategori: graviteti, elektromagnetizmi, forca e fortë dhe forca e dobët. Këto katër forca themelore rregullojnë mënyrën se si të gjitha objektet dhe grimcat në Univers ndërveprojnë me njëri-tjetrin.

Gjetjet janë bërë në një strukturë amerikane për përshpejtuesin e grimcave të quajtur Fermilab. Ato bazohen në rezultatet e shpallura në vitin 2021, në të cilat ekipi i Fermilab sugjeroi fillimisht mundësinë e një force të pestë të natyrës.

Megjithëse provat janë të forta, ekipi i Fermilab nuk ka ende prova përfundimtare./CNA

Lajmet e fundit nga