web counter
LEXO PA REKLAMA!

SHKARKO APP

App Store
Google Play

E fundit!

x

Sekuestrohen 8 ton kokainë në portin holandez, me vlerë 600 milionë euro

10 Gusht 2023, 20:22, Kosova & Bota CNA

Sekuestrohen 8 ton kokainë në portin holandez, me vlerë 600

Autoritetet holandeze kanë sekuestruar rreth 8,000 kilogramë (8 ton) kokainë në Roterdam, njoftuan prokurorët të enjten.

Kokaina vlerësohet në 600 milionë euro (661 milionë dollarë), raporton DW.

Kjo ishte ngarkesa më e madhe e regjistruar ndonjëherë në port. Më e madhja e fundit ishte një ngarkesë prej 4,500 kilogramësh e bërë në vitin 2020.

Një tjetër sekuestrim i madh është bërë në vitin 2021, kur  u gjetën 3600 kilogramë drogë .

Droga u zbulua në korrik, por gjetja u njoftua vetëm të enjten.

Kokaina ishte fshehur në një kontejner krahas bananeve në një anije që kishte mbërritur nga Ekuadori.

Në kontejnerë u zbuluan mbi 8000 pako me drogë.

“Më 13 korrik, doganat kryen kapjen më të madhe të drogës në portin e Roterdamit”, thanë prokurorët. “Nga dymbëdhjetë paleta banane u nxorën gjithsej 8064 pako kokainë prej një kilogrami.

Doganat holandeze thanë se ngarkesa të tilla të mëdha kokaine po bëhen më të rralla, ku ngarkesat e fundit janë dukshëm më të vogla se ato të raportuara të enjten.

Roterdami është një nga portet kryesore për trafikantët e drogës që sjellin kokainën në Evropë./CNA





Lajmet e fundit nga