web counter
LEXO PA REKLAMA!

SHKARKO APP

App Store
Google Play

Situata nga përplasjet në veri/ EULEX: Urgjentisht të vendoset qetësia

30 Maj 2023, 11:51, Kosova & Bota CNA

Situata nga përplasjet në veri/ EULEX: Urgjentisht të vendoset

Misioni i EULEX-it në Kosovë ka deklaruar se situata në veri të Kosovës është e papranueshme dhe shumë shqetësuese.

Në një prononcim për "Klan Kosova", EULEX thotë se situata e sigurisë mbetet e tensionuar.

“Përshkallëzimi i fundit i dhunës në veri të Kosovës është shqetësues dhe i papranueshëm. Situata e sigurisë atje mbetet e tensionuar dhe ky është një shqetësim i madh. Jemi thellësisht të shqetësuar për sigurinë dhe mirëqenien e civilëve, policëve, gazetarëve, anëtarëve të EULEX-it dhe KFOR-it. Prioritet duhet të jetë siguria në terren dhe ruajtja e paqes”, ka deklaruar EULEX.

EULEX ka bërë thirrje që të menaxhohet situata dhe të ulen tensionet.

“Ne dëshirojmë t’u bëjmë thirrje të gjithëve që të veprojnë në mënyrë të matur, të shmangin dhunën dhe të ndërmarrin veprime për të çtensionuar situatën. Duhet urgjentisht të rivendoset qetësia në interes të të gjitha komuniteteve që jetojnë në veri të Kosovës”.

Gjithashtu ka dënuar dhunën ndaj pjesëtarëve të KFOR-it, dhe ka shtuar se asnjë pjesëtar i EULEX-it nuk është lënduar dje.

“Dënojmë fuqishëm veprimet e dhunshme të protestuesve në Zveçan, të cilat rezultuan me lëndimin e disa pjesëtarëve të KFOR-it. Të gjithë të lënduarve u urojmë shërim të shpejtë”, deklaroi EULEX. 

 





Lajmet e fundit nga