web counter
LEXO PA REKLAMA!

SHKARKO APP

App Store
Google Play

E fundit!

x

Pas më shumë se katër muajsh në qeli/ Lirohet nga burgu eurodeputetja Kaili

12 Prill 2023, 17:25, Kosova & Bota CNA
Pas më shumë se katër muajsh në qeli/ Lirohet nga burgu
Eurodeputetja greke, Eva Kaili

Eurodeputetja greke, Eva Kaili, e përfshirë në skandalin” Qatar-Gate”, është liruar sot nga burgu pas më shumë se katër muajsh në qeli.

Lajmi është konfirmuar nga avokati Sven Mary, i cili tha se Kaili është lënë në arrest shtëpie.

“Nuk do të jap më shumë komente, përveç faktit se ky është një vendim logjik që mori shumë kohë për t'u marrë”, tha Mary në një deklaratë të shkurtër, raportojnë mediat e huaja.

Gjithashtu, edhe Prokuroria Federale belge ka konfirmuar lirimin e eurodeputetes. Kaili do t'i nënshtrohet seancave dëgjimore të rregullta për të zgjatur ose revokuar mbikëqyrjen nëpërmjet një byzylyku elektronik.

Kujtojmë se Eva Kaili u arrestua më 9 dhjetor të 2022-shit dhe menjëherë pas daljes në dritë të skandalit asaj iu hoq imuniteti parlamentar.

Ajo akuzohet për pjesëmarrje në një organizatë kriminale, korrupsion dhe pastrim parash.

Vënia e saj në pranga shkaktoi valë debati në të gjithë Brukselin dhe nxori në dritë një hetim mbi një skemë parash për favore që përfshinte shuma "të mëdha" parash dhe dhurata "të konsiderueshme" që dyshohet se janë paguar nga Katari dhe Maroku për të ndikuar në politikëbërjen evropiane. Por të dy vendet mohuan këto akuza.

Pas skandalit, Kaili u hoq nga posti i saj si një nga nënkryetaret e Parlamentit Evropian dhe u përjashtua nga partia greke, megjithatë ajo mbetet eurodeputete./ CNA.al





Lajmet e fundit nga