web counter
LEXO PA REKLAMA!

SHKARKO APP

App Store
Google Play

Nënshkruhet protokolli mes Shqipërisë dhe Kosovës/ Banorët në zonat kufitare do të lëvizin lirshëm

12 Prill 2023, 14:54, Kosova & Bota CNA
Nënshkruhet protokolli mes Shqipërisë dhe Kosovës/
Ministri i Brendshëm Bledi Çuçi dhe homologu i tij nga Kosova, Xhelal Sveçla

Ministri i Brendshëm Bledi Çuçi dhe homologu i tij nga Kosova, Xhelal Sveçla, kanë nënshkruar sot protokollin që përmirëson lëvizjen e lirë ndërkufitare të banorëve të zonës në të dyja anët e kufirit Shqipëri-Kosovë, sipas marrëveshjes së firmosur vitin e shkuar.

Ky protokoll është një hap tjetër përpara në këtë proces lehtësimi sepse krahas lirisë së lëvizjes më këmbë shtohet dhe kalimi me automjete për nevoja të jetës së përditshme të këtyre banorëve.

 “Më nënshkrimin e këtij protokolli jo vetëm do t’i afrojmë institucionet, por edhe qytetarët e dy vendeve dhe po ashtu jam i bindur se nuk do të jetë marrëveshja e fundit, por do të ketë një vazhdimësi marrëveshjesh, të cilat i kemi nënshkruar dhe do vazhdojmë t’i nënshkruajmë derisa të vijë koha që qytetari i dy vendeve të mos dijë se ku ndodhet apo ku punon”, tha Svelça.

Çuçi nga ana tjetër është shprehur se do të donte që të kishte vetëm një marrëveshje, por deri në këtë moment duhet të respektohen marrëveshjet në të cilat janë pjesë si Kosova ashtu edhe Shqipëria.

“Do të doja të kishte vetëm një marrëveshje, të mos kishte kufi fare dhe kjo lëvizje e lirë që ne po u mundësojmë banorëve kufitarë brenda 30 km të secilit vend, të ishte për të gjithë territorin e Kosovës dhe Shqipërisë, por deri atëherë meqë jetojmë në Europë dhe jemi bashkësi e Europës duhet të respektojmë këto marrëveshje ndërkombëtare në të cilat jemi pjesë. Deri atëherë bëjmë të pamundurën që shtetasit tanë të qarkullojnë sa më lirshëm.

Përmirësimet e sotme janë në funksion të kësaj lehtësie, që krijojmë për shtetasit tanë. Është shumë interesante kur e shikon të zbatuar marrëveshjen në terren dhe eksperienca që ministri Svelça e përjetoi pasi vizitoi të gjithë vijën kufitare ku kemi këtë lehtësi me qarkullimin është shumë e rëndësishme sepse e shikon vërtet që njerëzit përfitojnë”, tha Çuçi./ CNA.al

 





Lajmet e fundit nga