web counter
LEXO PA REKLAMA!

SHKARKO APP

App Store
Google Play

E fundit!

x

Austria refuzon vizat për disa delegatë rusë/ Moska reagon ashpër

12 Prill 2023, 16:13, Kosova & Bota CNA
Austria refuzon vizat për disa delegatë rusë/ Moska reagon
Ernest Chernukhin, zëvendës shefi i misionit rus në Vjenë

Austria refuzon vizat për shumicën e delegatëve rusë që dëshirojnë të marrin pjesë në Komitetin Ad Hoc të OKB-së në Vjenë.

Lajmi është konfirmuar nga zëvendësshefi i misionit rus në Vjenë, Ernest Chernukhin.

"Shumica e delegacionit ndërinstitucional rus, përkatësisht përfaqësues të Prokurorisë së Përgjithshme, Komitetit Hetues, Ministrisë së Punëve të Brendshme, Ministrisë së Drejtësisë, nuk morën viza austriake për të marrë pjesë në seancën e Komitetit të Kombeve të Bashkuara", u shpreh Chernukhin, raporton "SchengenVisaInfo".

Ai tha gjithashtu se Moska e konsideron refuzimin e vizave për një vizitë zyrtare "një akt presioni politik ndaj Rusisë".

Sipas tij, Austria po krijon qëllimisht pengesa për Rusinë që të marrë pjesë në krijimin e një marrëveshjeje të rëndësishme ndërkombëtare.

Chernukhin i kërkoi Sekretarit të Përgjithshëm të OKB-së, Antonio Guterres që të marrë masa për veprimet e Austrisë.

Ndërkohë, kujtojmë se Komiteti në Vjenë po mbahet për të krijuar një konventë ndërkombëtare gjithëpërfshirëse për parandalimin dhe luftimin e përdorimit të teknologjive të informacionit dhe komunikimit për qëllime kriminale.

Në janar të këtij viti, Austria i refuzoi vizën një tjetër përfaqësuesi të delegacionit rus që kërkonte të merrte pjesë në seancën e Komitetit Special të OKB-së për krijimin e së njëjtës konvente./ CNA.al





Lajmet e fundit nga