E fundit!

15:57 Aktualitet

Shtyhet seanca e Metës në GJKKO/ Ja data e radhës

Seanca në themel në Gjykatën e Posaçme për kreun e Partisë...

PD e 'vulës’ kërkon interpelancë me Ramën për veriun e Kosovës

2 Tetor 2023, 12:47, Politikë CNA

PD e 'vulës’ kërkon interpelancë me Ramën

Foto ilustruese

Partia Demokratike e 'vulës' ka kërkuar zyrtarisht interpelancë me kryeministrin Edi Rama, në lidhje me deklaratat për largimin e Policisë së Kosovës nga veriu i Kosovës dhe marrjen e Veriut të Kosovës nën kontroll nga KFOR-i.

Në shkresën drejtuar Kuvendit, deputeti Kreshnik Çollaku kërkon që kryeministri të japë shpjegime në lidhje qëndrimet e tij.

PD e vulës kërkon dhënien e informacioneve dhe shpjegimeve lidhur me qëndimin zyrtar të qeverisë së Republikës së Shqipërisë, hapat që parashikohen të ndërmerren dhe qëndrimet në raport me zhvillimet e pritshme në marrdhëniet ndërshtetërore në Ballkan.

Në kërkesën drejtuar Lindita NIkollës thuhet se reagimet e qeverisë shqiptare për ngjarjet në Kosovë ishin kontradiktore.

“Klasa politike në Kosovë reagoi e unifikuar kundër sulmit në Kosovë, sikurse edhe mbarë opinioni publik në hapësirën shqiptare në Ballkan. Nga qeveria shqiptare reagimet erdhën kontradiktore. Ndërsa nga një anë dënohej akti, nga ana tjetër hezitohej të thirrej në përgjegjësi për këtë akt Beogradi dhe Presidenti Vuçiç. Postimet në rrjetet sociale të Kryeministrit, në të cilat cilësohej ngjarja e ndodhur si një “tragjedi” krijuar konfuzion në lidhje me qëndimin e parë të Kreut të Qeverisë në lidhje me ngjarjen. Sikur kjo të mos mjaftonte në konferencën për shtyp Kryeministri Rama, i fundit nga radha i drejtuesve politikë të shumë vendeve fqinje dhe partnere, më së fundmi deklaroi përgjegjësinë e Serbisë mbi ngjarjen.”

Sipas tyre kërkesa u deklarua si e pakonsultuar me Qeverinë e Kosovës, madje një propozim që cenon interesat dhe sovranitetin e Kosovës.

“Kryeministri, në mënyrë të cuditshme dhe të papranueshme kërkoi “…marrjen e Veriut të Kosovës nën kontroll nga KFOR-i”. Të njëjtën kërkesë ditë më parë e kishte bërë po ashtu në një konferencë për shtyp presidenti Serb Vuçiç. Kërkesa u refuzua publikisht dhe unanimisht nga institucionet e Kosovës, në të gjitha nivelet, dhe u deklarua si e pakonsultuar me Qeverinë e Kosovës, madje një propozim që cenon interesat dhe sovranitetin e Kosovës.”

Kërkesa për marrje nën kontroll nga KFOR të veriut të Kosovës është një shpallje de facto e protektoratit ndërkombëtar mbi një pjesë të territorit të shtetit sovran të Kosovës./ CNA