web counter
LEXO PA REKLAMA!

SHKARKO APP

App Store
Google Play

E fundit!

x

Bushati, kritika Ramës/ “Nuk duhet të përkëdhelë Serbinë”

29 Shtator 2023, 22:51, Politikë CNA
Bushati, kritika Ramës/ “Nuk duhet të përkëdhelë
Ish-Ministri i Jashtëm, Ditmir Bushati dhe kryeministri Edi Rama

Ish-Ministri i Jashtëm, Ditmir Bushati, ka qenë i rreptë me kryeministrin Edi Rama për qëndrimet që ky i fundit ka mbajtur në lidhje me tensionet Kosovë-Serbi.

Bushati tha në një intervistë me Elona Meçon se Shqipëria Serbinë duhet ta shohë përmes syve të Kosovës.

“Politika jonë e jashtme është orientuar mes Italisë dhe Greqisë për të dëshmuar përkatësinë tonë europiane dhe mesdhetare. Serbinë duhet ta shohim përmes syve të Kosovës. Kjo nuk do të thotë se me Serbinë nuk duhet të kultivojmë një marrëdhënie normale, por mbase as pas 50 apo 100 vitesh ne nuk do të jemi dot miq me Serbinë. Çdo lloj rruge normaliteti dhe miqësie duhet të kalojë përmes Kosovës”, u shpreh ai.

Më tej, ish-ministri theksoi se qeveria nuk duhet ta përkëdhelë Serbinë ashtu siç ka bërë Perëndimi dy vitet e fundit.

“Perëndimi e ka përkëdhelur Serbinë veçanërisht 2 vitet e fundit, pas agresionit rus në Ukrainë. I ka shkelur syrin qoftë për qasjen autokratike, qoftë për qasjen ndaj fqinjëve. Shqipërisë nuk i takon ky pozicion, sepse ne, përpara se të jemi euroatlantikë, kemi interesat tona kombëtare si shqiptarë. Shihni Kroacinë si reagon për çdo gjë që bën Serbia në Kosovë. Janë kroatët më pak apo më shumë euroatlantikë se ne? Jo! Kanë një interes kombëtar më shumë se ne në Kosovë? Kurrësesi!”, theksoi Bushati./ CNA

 





Lajmet e fundit nga