E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Përjashtimi i 11 deputetëve nga Basha/ Bardhi i “tërheq veshin”: Nuk ke legjitimitet

28 Shtator 2023, 14:43, Politikë CNA

Përjashtimi i 11 deputetëve nga Basha/ Bardhi i “tërheq

Kreu i grupit parlamentar të PD-së, Gazment Bardhi

Kreu i grupit parlamentar të PD-së, Gazment Bardhi, ka reaguar pas deklaratës së Lulzim Bashës të PD-së së vulës për përjashtimin e 11 deputetëve nga grupi parlamentar.

Në reagimin e tij, Bardhi thotë që të merren me të qeshur rreshtat që shkruan Lulzim Basha, pasi si një nga deputetët ai nuk ka legjitimitet, as forcë për të përjashtuar askënd.

Ndryshimi i përbërjes së grupit parlamentar të PD-së mund të ndodhë vetëm me vendim të grupit parlamentar.

Kështu, sipas Bardhit asnjë copë letre, asnjë firmë dhe asnjë vulë e keqpërdorur në ilegjitimitet, nuk ka vlerë.

“Merreni me të qeshur dhe boll harxhuat rreshtat me çfarë bën Lulzim Basha. Përveçse humorit te çdo mendje normale njerëzore, kanë zero efekt. Është fiks si pohimi 'falë mundit tuaj nga sot Edi Rama nuk është më Kryeministër', që demokratët e dëgjonin pas çdo proteste në 10 vjet opozitë!

Si njëri nga deputetët e PD-së, Lulzim Basha nuk ka as legjitimitetin, por as forcën për të përjashtuar askënd. Ndryshimi i përbërjes së grupit parlamentar mund të ndodhë VETËM me vendim të grupit parlamentar. Përtej kësaj, asnjë copë letre, asnjë firmë dhe asnjë vulë e keqpërdorur në ilegjitimitet, nuk ka vlerë.

Ftoj secilin koleg të përqendrohet tek skandali i Edi Ramën me korruptimin e një zyrtari të FBI, që pranoi fajësinë dhe marrëdhënien e biznesit me Kryeministrin, si dhe tek sjellja skandaloze e Edi Ramës në raport me zhvillimet në Kosovë.

Aktet qesharake që bëhen për të zhvendosur vëmendjen nga këto dy çështje nuk mund të marrin asnjë sekondë nga veprimtaria e Grupi Parlamentar të PD. Zhvendosja e vëmendjes është interes i Edi Ramës, por jo i demokratëve dhe opozitarëve.

Një ftesë të sinqertë kam edhe për kolegun Lulzim Basha. Në vend të letrave pavlerë që synojnë përçajnë opozitën dhe mbajtjen ndezur të konfliktit mes vetes, të përqendrohet në çështje që nuk i shërbejnë forcimit të pushtetit të Edi Ramës, por dobësimit të tij” , thuhet në reagimin e Bardhit./ CNA