LEXO PA REKLAMA!

SHKARKO APP

“Këto nuk janë ditë të mira për opozitën”, Vokshi: Duke ju thënë të vërtetën do t'ia dalim

26 Shtator 2023, 11:55, Politikë CNA

“Këto nuk janë ditë të mira për

Deputetja e Partisë Demokratike, Albana Vokshi, në një deklaratë për mediat foli lidhur me ngritjen e një komisioni hetimor për koncesionet në shëndetësi.

Sipas saj përmes komisionit mund të zbardhen abuzimet e bëra në sektorin e shëndetësisë.

“Ne kemi arritur të marrim firmat e deputetëve për ngritjen e komisionit për PPP-të në mënyrë që të zbardhim abuzimet e mëdha në sektorin e shëndetësisë”, tha ajo. 

Vokshi u shpreh se këto nuk janë ditë të mira për opozitën, por sipas saj duke thënë të vërtetën dhe duke denoncuar abuzimet opozita do t'ia dalë.

“Qytetarët nuk mund të bëjnë analiza. Sipas një denoncimi që më ka ardhur, as mjekët e spitalit të QSUT-së nuk lejohen të bëjnë analiza. Pra, qytetarët detyrohen ose të marrin borxh dhe të bëjnë analiza ose të mos bëjnë analiza fare. Këto nuk janë ditë të mira për opozitën, por kemi shpresën se duke ju thënë të vërtetën do t'ia dalim”, u shpreh Vokshi./ CNA

Lajmet e fundit nga