LEXO PA REKLAMA!

SHKARKO APP

“Vuçiç, Millosheviçi i ri në Ballkan”/ Berisha: I gatshëm të marrë çdo aventurë të serbomadhisë

25 Shtator 2023, 12:21, Politikë CNA

“Vuçiç, Millosheviçi i ri në Ballkan”/

Ish-kryeministri Sali Berisha e ka quajtur Presidentin Aleksandër Vuçiç, Millosheviçin e ri në Ballkan.

Gjatë një deklarate për mediat, Berisha tha se Vuçiç qëndron pas kryengritjes së Serbisë ndaj Policisë së Kosovës.

Ai tha se Vuçiç duhet të çohet në Hagë, pasi me Millosheviçin e ri në Ballkan, rajoni nuk do të gjejë paqe, por do të ketë vetëm trazira.

"PD mbështet pa rezervë të drejtën e autoriteteve të Kosovës për mbrojtjen e integritetit territorial dhe sovranitetit të vendit.

Ajo përgëzon dhe përshëndet policinë e Kosovës për guximin, vendosmërin dhe trimërinë që dëshmoi, profesionalizmin e lartë në shtypjen e kryengritjes së armatosur.

PD u bën thirrje autoriteteve të Kosovës të bëjnë më të mirën që në bashkëpunim me partnerët ndërkombëtarë, të finalizojnë me dialog, marrëveshjen me Serbinë.

PD dënon me forcën më të madhe organizimin nga Beogradit të kryengritjes së armatosur në Kosovë.
Për PD-në, organizimi nga Beogradi i kryengritjes tregon qartë se Vuçiç është një Millosheviç i ri.

PD i bën thirrje komunitetit ndërkombëtar të dorëzojë sa më parë Aleksandër Vuçiçin në gjykatën e Hagës për pjesëmarrjen e tij thelbësore në gjenocid dhe krime shfarosëse ndaj njerëzimit të kryera nga Beogradi ndaj boshnjakëve dhe shqiptarëve pak vite më parë.

Dorëzimi i Millosheviçit të ri në Hagë, do ishte jo vetëm përmbushje e detyrimit ligjor dhe moral ndaj viktimave të pafajshme të gjenocidit dhe krimeve kundër njerëzimit, por edhe kushti i të gjitha kushteve për paqen dhe bashkëpunimin në rajon.

Me Aleksandër Vuçiç në Beograd, rajoni nuk do gjejë paqe, por vetëm konflikte dhe trazira", tha Berisha./ CNA

Lajmet e fundit nga