web counter
LEXO PA REKLAMA!

SHKARKO APP

App Store
Google Play

Rama, mesazh BE-së: Keni nevojë për Ballkanin Perëndimor, është koha të ecim së bashku

26 Shtator 2023, 09:26, Politikë CNA

Rama, mesazh BE-së: Keni nevojë për Ballkanin Perëndimor,

Kryeministri Edi Rama ka dhënë mesazhe për BE gjatë mbledhjes së Ministerialit të Ministrave të Ekonomisë.

Kreu i qeverisë tha se po shihet që në BE ka një interes dhe një bindje mjaft të fortë karshi rëndësisë së Ballkanit Perëndimor për BE-në.

Rama theksoi se BE-ja ka nevojë për Ballkanin Perëndimor aq sa Ballkani ka nevojë për BE-në.

Ai përcolli mesazhin se është koha që BE dhe Ballkani Perëndimor të ecin së bashku.

“Dje pata kënaqësinë të zhvilloja një bisedë me mikun tonë nga qeveria e Francës dhe më duhet t'ju them se ishte një bisedë që 5 vjet më parë do ishte e pamundur të zhvillohej. Ne shohim me mjaft interes se në BE ka një bindje shumë më të fortë dhe janë me sy hapur karshi rëndësisë që Ballkani Perëndimor ka për BE-në.

BE-ja ka nevojë për Ballkanin Perëndimor, aq nevojë sa ka Ballkani Perëndimor për ne. Planin e ardhshëm të Bashkimit Evropian për të mbështetur Ballkanin Perëndimor duke u hapur në disa mënyra që do të na sjellin më pranë BE-së.

Kemi pritshmëri të larta për t'u integruar, integrimi me faza premton të na japë një ide të vyer për rritjen ekonomike të rajonit të Ballkanit Perëndimor në 5 vitet e ardhshme. Tani është koha që të ecin së bashku.

Sa më shumë kemi bërë gjëra së bashku aq më shumë kemi pasur përfitime. Duhet të trajtohen çështjet tona të pambaruara”, është shprehur Rama./ CNA





Lajmet e fundit nga