web counter
LEXO PA REKLAMA!

SHKARKO APP

App Store
Google Play

“Ka ardhur koha të dalim jashtë kornizave”/ Rama: Shqipëria do të organizojë samitin e parë të Procesit të Berlinit

26 Shtator 2023, 09:18, Politikë CNA
“Ka ardhur koha të dalim jashtë kornizave”/ Rama:
Edi Rama

Sot po mbahet në Tiranë Ministeriali Euro-ballkanik i Ministrave të Ekonomisë nga BE-ja dhe rajoni, i cili zhvillohet në kuadër të Procesit të Berlinit, me pjesëmarrjen e mbi 20 delegacioneve të nivelit të lartë, ku pjesë e takimit është edhe kryeministri Edi Rama.

Numri një i qeverisë u shpreh që Shqipëria organizon samitin e parë të Procesit të Berlinit jashtë kufijve të BE dhe për këtë ka falënderuar kancelarin gjerman, Olaf Scholz.

Rama kujton se ky proces ka nisur që në vitin 2014 me kancelaren Angela Merkel, ku për herë të parë në histori liderët e Ballkanit Perëndimor u ulën në një tryezë për të debatuar për të ardhmen.

Falë iniciativës së kancelares Merkel, u hap ky proces dhe tashmë sipas Ramës është rritur një pemë e madhe e fortë nga e cila po marrim frytet.

Ai tha se ka ardhur koha të mendojmë jashtë kornizave dhe kjo është ajo që do të përpiqet të arrijë në samit.

"Po lexoja fjalimin e gjatë që më ka përgatitur ekipi im, por duhet t'ju shmang një fillim të mërzitshëm të ditës. Më lini t'ju them fjalë jashtë skenarit. Jam shumë i nderuar që Shqipëria organizon samitin e parë të procesit të Berlinit jashtë kufijve të BE-së dhe më duhet të falënderoj kancelarin Scholz dhe ekipin gjerman që ishte mjaft i prirur të sillte samitin e Berlinit në rajon.

Të jetë krenar që Tirana përfaqëson rajonin si vend mikpritës. Dua t'ju kujtoj se ky proces filloi nën kujdesin e kancelares Merkel në 2014, ku për herë të parë në histori udhëheqësit e gjithë BP u ulën së bashku rreth një tryeze, jo për të debatuar për të shkuarën, por për të folur për të ardhmen e tyre.

Ashtu siç u shpreh kancelarja Merkel në 2014 kur ky proces u hap është rritur një pemë mjaft e fortë dhe e shëndetshme dhe po marrim frytet, se pema është rritur mjaftueshëm për të na dhënë fryte. Ka ardhur koha të mendojmë jashtë kornize, kjo është ajo që po përpiqemi të bëjmë në këtë samit", ka thënë Rama./ CNA





Lajmet e fundit nga