E fundit!

07:07 Sociale

Reshje në formën e shtrëngatave/ Moti për ditën e sotme

Ditën e sotme vendi ynë do të ndikohet nga pothuajse e një...

Humbi zgjedhjet në Kukës/ Emri Vata, mesazh qytetarëve

25 Shtator 2023, 16:16, Politikë CNA

Kandidati i koalicionit “Bashkë Fitojmë”, Emri Vata, ka reaguar për zgjedhjet në Kukës, pas shpalljes së rezultatit.

Vata falënderon qytetarët që i besuan votën. Ai deklaron se skandalet e kryeministrit Edi Rama nuk reflektohen në rezultat, por e thellojnë atë në favor të shkelësve.

Kandidati opozitar pretendon se zgjedhjet u ndikuan nga patronazhistët dhe ministrat e Ramës, që sipas tij shpërndanë para dhe bënë premtime.

Vata thekson se "rezultati i zgjedhjeve, me gjithë deformimet, presionin, shitblerjet e votës, krimin shtetëror duhet lexuar me kujdes".

Kujtojmë se zgjedhjet u fituan nga kandidati i Partisë Socialiste, Albert Halilaj, i cili mori 13.026 vota, ndërsa Emri Vata i koalicionit "Bashkë Fitojmë" mori 7.429 vota. Diferenca mes kandidatëve në garën për Kukësin është 5.579 vota.

CNA "live" nga Kukësi/ Shpall fitoren kandidati i PS, Albert Halilaj
25 Shtator, 11:08

Deklarata e plotë:

Të dashur miq, të dashur bashkëpunëtorë, të dashur demokratë, të dashur kuksianë!

Dua të falenderoj, së pari strukturën e Partisë Demokratike në Kukës dhe familjet e tyre për qëndresën dhe mbështetjen në këtë sfidë të pabarabartë në shumë drejtime.

Demokratëve që më dhanë besim duke më votuar, u jam përherë mirënjohës.

Miqve që më mbështetën vazhdoj të jem borxhli dhe mirënjohës.

Përsëritja e asaj që të gjithë bashkë e kemi parë me sy është e panevojshme. Dua të theksoj se vetëm në pushtetin e Edi Ramës skandalet politike, morale dhe shoqërore nuk reflektohen në rezultat, por e thellojnë atë në favor të shkelësve.

Pas fitores, Albert Halilaj shtyn festimet në Kukës: Bashkohemi me zinë kombëtare të Kosovës
25 Shtator, 13:14

Patronazhistët dhe super-ministrat ishin në Kukës me torbën plot, të lekëve dhe premtimeve, por tabloja e Kukësit të zbrazur në 10 vitet e pushtetit të tyre flet pa pasë nevojë për dorëzanë.

Rezultati i zgjedhjeve, me gjithë deformimet, presionin, shitblerjet e votës, krimin shtetëror duhet lexuar me kujdes.

Ne sot mbyllëm një fushatë, por jo misionin tonë që në Kukës dhe në gjithë Shqipërinë të kthejmë zgjedhjet e lira.

Uroj që vota e çdo qytetari Kuksian, të mos shpërdorohet.

Pa zgjedhje të lira nuk ka zgjidhje.

Miqësisht,

Emri VATA/ CNA