web counter
LEXO PA REKLAMA!

SHKARKO APP

App Store
Google Play

Vrasja e policit në Kosovë/ Rama, kritika BE-së: Çfarë hetimi prisni?

28 Shtator 2023, 11:53, Politikë CNA

Vrasja e policit në Kosovë/ Rama, kritika BE-së:

Kryeministri Edi Rama në një deklaratë për mediat i është drejtuar me një gjuhë kritike BE-së për qëndrimin e saj ndaj ngjarjeve të fundit në Kosovë, e cila ka deklaruar se nuk mund të ketë një deklaratë pa përfunduar hetimet.

Rama theksoi se nëse minimalisht Serbia do të distancohej nga grupi kriminal dhe të kishte deklaruar hapjen e një hetimi për ngjarjen atëherë do të kishte njëlinjëzim me BE-në. Në të kundërt nuk e kuptoj se çfarë hetimesh pret BE-ja.

“Jemi gati të linjëzohemi sapo të dalë deklarata që ne presim, për veprimet dhe mosveprimet e Serbisë. Deklarata e djeshme krijon në këto momente dramatike ku situata mund të përkeqësohet nga dita në ditë apo nga ora në orë.

Kam dalë për të shprehur shqetësimin tejet serioz si asnjëherë më parë në 10 vjet për rrezikshmërinë e situatës në veri të Kosovës.

Nuk mund të ketë një deklaratë tjetër pa pasur rezultatet e një hetimi si ka rrjedhur ngjarja e Banjskës. Nëse minimalisht Serbia duhet të ishte distancuar nga grupi kriminal dhe të kishte deklaruar hapjen e një hetimi serioz dhe të pavarur, do kishim linjëzim me BE-në. Në vend të hetimit të ngjarjes kriminale Republika e Serbisë zgjodhi nderimin e të vrarëve duke shpallur ditë zie.

Çfarë hetimi pret BE-ja, nga kush? Nga autoritetet e drejtësisë në Kosovë? Do ishim dakord, por nuk e dëgjova. Nuk e besoj që BE do mbështeste rezultatet e njërës palë ”, tha Rama./ CNA





Lajmet e fundit nga