web counter
LEXO PA REKLAMA!

SHKARKO APP

App Store
Google Play

E fundit!

x

Bardhi, Draft-rezolutë për Kosovën/ Kërkon angazhim që të mundësohet hetim ndërkombëtar

29 Shtator 2023, 20:48, Politikë CNA

Bardhi, Draft-rezolutë për Kosovën/ Kërkon angazhim që

Ditën e djeshme deputeti Gazment Bardhi paralajmëroi se do të dorëzojë një kërkesë për zhvillimin e një debati në Kuvend mbi zhvillimet në Kosovë dhe do të propozojë një Rezolutë.

Ndërkohë, këtë të premte, Bardhi dorëzoi në Kuvend kërkesën dhe Draft-rezolutën për vrasjen e policit në veri të Kosovës më 24 shtator nga një grup i armatosur.

Ai dënon sulmin dhe kërkon edhe angazhimin e institucioneve për të kërkuar hetim ndërkombëtar. 

“Në vlerësimin e Grupit Parlamentar të Partisë Demokratike, duke mbështetur plotësisht punën e policisë dhe institucioneve shtetërore të Kosovës për ruajtjen e integritetit të tyre territorial dhe funksionimin e shtetit ligjor në çdo pjesë të territorit të Kosovës, gjykojmë që është e nevojshme që edhe Kuvendi i Shqipërisë t’i bashkohet qëndrimit të Kuvendit të Kosovës, duke miratuar një rezolutë të njëjtë dhe duke unifikuar qëndrimin mes dy shteteve tona”, thuhet në kërkesën e tij.

Në draft-rezolutë deklarohet se: “Kuvendi i Shqipërisë ofron mbështetjen e plotë dhe të parezervë për Kosovën dhe institucionet e saj, në ushtrimin e përgjegjësisë për ruajtjen e rendit dhe sigurisë publike në tërë territorin e Republikës së Kosovës, si dhe mbështet të gjitha institucionet e Republikës së Kosovës që të vazhdojnë punën e përbashkët për integrimin e plotë dhe bashkëjetesën mes të gjitha komuniteteve, pa dallim, që jetojnë në Republikën e Kosovës”./ CNA

Bardhi, Draft-rezolutë për Kosovën/ Kërkon angazhim që





Lajmet e fundit nga