E fundit!

13:19 Aktualitet

Braho “shuplakë” politikës: Më vjen mirë që SPAK është i papëlqyer nga të dyja kahet

Kreu i SPAK, Klodjan Braho i ka dhënë një shuplakë politik...

Rrëzimi i kërkesës së opozitës nga mazhoranca/ Bardhi: Antikushtetues, aspak surprizues

29 Shtator 2023, 13:51, Politikë CNA

Rrëzimi i kërkesës së opozitës nga mazhoranca/ Bardhi:

Gazment Bardhi

Sot në Konferencën e Kryetarëve, mazhoranca nuk ka dhënë konsesus në lidhje me ngritjen e komisioneve hetimore për koncesionin e shëndetësisë si dhe për ndërhyrjen në sistemin TIMS.

Në një deklaratë për mediat pas përfundimit të mbledhjes, kreu i grupit parlamentar të PD-së, Gazment Bardhi, tha se ky vendim nuk ishte aspak surprizues dhe antikushtetues.

Argumentet që u përdorën nga mazhoranca janë justifikime, ka thënë Bardhi, duke shtuar se kjo vendimmarrje është e papranueshme për opozitën.

“Komisioni i dytë lidhej me një shqetësim publik të qytetarëve për mungesën e përfitimeve shëndetësore në zbatim të 4 kontratave koncesionare.

Të dyja paraqisnin një rëndësi të madhe. Zyrtarisht në përputhje me të drejtën tonë kushtetuese 45 deputetë iu drejtuam kuvendit për një komision hetimor. Sipas kushtetutës, Kuvendi është i detyruar të ngrejë një komision hetimor kur e kërkojnë jo më pak se 35 deputetë.

Pa asnjë surprizë siç kanë vepruar në 1 vit e gjysmë, mazhoranca vendosi të mos japë konsensusin për ngritjen e dy komisioneve hetimore. Antikushtetuese. Është detyrim për Kuvendin e Shqipërisë. Të dyja argumentet që janë justifikime jo vetëm që nuk qëndrojnë, nuk kanë bazë kushtetuese, por janë fyerje për çdo mendje normale njerëzore.

Argumenti i parë, lidhej me faktin se ne kërkonim të hetonim 4 kontrata koncesionare. Sipas tyre nuk mund të hetohen 4 kontrata, çështje shumë e gjerë. 4 kontratat lidhen me një çështje të vetme, që ka të bëjë me ofrimin e shërbimeve qytetarëve sipas një marrëdhënieje PPP. Për sa kohë janë miratuar të 4 kontratat nga qeveria me vlerë 450 mln euro, ne kërkuam që të verifikohet si janë lidhur këto kontrata dhe së dyti si po zbatohen. Të dhënat e verifikimit nga KLSH kanë treguar që jo vetëm kemi të bëjmë me kontrata dhe vlera abuzive, por me pagesa e shërbime që qytetarët nuk i përfitojnë.

Për të dhënat e sistemit TIMS, shqetësimi nuk ka ardhur vetëm nga opozita, por dhe nga ambasada e SHBA-së.

E kuptojmë që mazhoranca nuk ka interes, sepse do të zbulohej fshirja e të dhënave mbi udhëtime të qeveritarëve, familjarëve të Ramës dhe ministrave me eksponentë të krimit të organizuar. Kjo ka qenë një nga arsyet e ndërhyrjes në sistemin TIMS. Do të jetë një vendimmarrje e papranueshme për opozitën. Kjo vendimmarrje e sotme, për dhunimin dhe të drejtat e opozitës, është në vijimësi gjatë këtij mandati”, tha ai./ CNA