web counter
LEXO PA REKLAMA!

SHKARKO APP

App Store
Google Play

E fundit!

x

Nga përplasjet politike te votimi në grup dhe fshehtësia e votës/ Problematikat në zgjedhje, sipas OSBE-ODIR

29 Shtator 2023, 20:18, Politikë CNA

Nga përplasjet politike te votimi në grup dhe fshehtësia e

Misioni i OSBE-ODIHR në Shqipëri, i cili vëzhgoi zgjedhjet e 14 majit, në raportin përfundimtar ka listuar disa nga gjetjet e tij.

OSBE-ODIHR cilëson si shqetësim në zgjedhjet e 14 majit tensionet mes partive politike dhe përplasjet në Partinë Demokratike.

“Zgjedhjet vendore të majit 2023 në Shqipëri ishin përgjithësisht të miradministruara, konkurruese dhe të zhvilluara me pjesëmarrjen e forcave kryesore politike, por procesi u karakterizua nga polarizimi i vazhdueshëm midis partive kryesore politike dhe një ndarje e thellë brenda opozitës”, thuhet në raport.

Gjithashtu, përmendet se ka pasur raste të keqpërdorimit të burimeve shtetërore dhe evidentohen denoncimet e bëra nga opozita për presion ndaj administratës dhe punonjësve të sektorit publik.

“Konkurrentët mund të bënin fushatë lirisht, por rastet e keqpërdorimit të burimeve shtetërore në nivel qendror dhe lokal, pretendimet për presion ndaj punonjësve të sektorit publik dhe votuesve, dhe pretendimet për blerje votash ishin shqetësuese”, vijohet më tej.

Përsa i përket ditës së zgjedhjeve, OSBE-ODIHR ka parë me shqetësim ndërhyrjet partiake, votimin në grup dhe problemet me fshehtësinë e votës.

“Dita e zgjedhjeve ishte përgjithësisht paqësore, procesi u ndikua negativisht nga raste të shumta të ndërhyrjeve partiake si dhe nga problemet teknike dhe procedurale, votimi i gjerë në grup dhe problemet me fshehtësinë e votës”, theksohet në raport./ CNA





Lajmet e fundit nga