LEXO PA REKLAMA!

SHKARKO APP

4400 euro për Baton Haxhiun nga inceneratorët/ Berisha për denoncimin e CNA: Mediat e tjera heshtën

29 Shtator 2023, 18:30, Politikë CNA
4400 euro për Baton Haxhiun nga inceneratorët/ Berisha për
Ish-kryeministri Sali Berisha

Më 26 shtator, CNA denoncoi me dokumente se si mediat ishin paguar nga inceneratorët dhe njëra prej tyre ishte “Albanian Post” e Baton Haxhiut.

Në kontratën që media e Baton Haxhiut kishte firmosur me kompaninë e inceneratorit të Tiranës, thuhet se portali i gazetarit, i cili njihet si një nga njerëzit pranë kryeministrit Edi Rama, do paguhej 4400 euro në muaj përpara dhe gjatë fushatës së zgjedhjeve parlamentare të vitit 2021.

Në lidhje me këtë denoncim me fakte të CNA, ka reaguar këtë të premte ish-kryeministri Sali Berisha.

Në konferencën e përjavshme me gazetarët, Berisha përmendi denoncimin e CNA dhe dënoi faktin që mediat e tjera nuk e raportuan skandalin.

Ju e morët vesh Baton Stanishiqi paguhej 4400 euro nga djegësat. Ia kanë marrë paratë? Asnjë qindarkë.

Ku guxon SKAP-i ta thërrasë atë, kur ai është këshilltar i Edi Ramës. Kjo është e vërteta, dhe një koleg i juaji i botoi dokumentet.

Dhe shih unë në media. Si nuk e shkruajti asnjë media këtë?

Pra, unë pavarësisht nga këto, unë ruaj respekt të palëkundur për mediat në tërësi. Nuk them se kritikat e tyre nuk i konceptoj kurrë si ai tjetri”, theksoi Berisha./ CNA

Lajmet e fundit nga