E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Akuzat dhe dyshimet e Berishës/ “Veliaj po ndikon në dënimin e Alqi Bllakos”

29 Shtator 2023, 14:14, Politikë CNA

Akuzat dhe dyshimet e Berishës/ “Veliaj po ndikon në

Ish-kryeministri Sali Berisha ka përsëritur akuzat e tij për kryetarin e Bashkisë Erion Veliaj duke e lidhur atë me aferën korruptive të inceneratorëve.

Këtë herë Berisha i ka shtuar në listë akuzën se Veliaj po ndikon në mënyrë antiligjore në dënimin e ish-deputetit socialist Alqi Bllako, i arrestuar dhe i dënuar për inceneratorin e Fierit.

Sipas ish-kryeministrit, Bllako është personi më përgjegjës për aferën e djegësve dhe nga informacionet e tij ka mësuar se, Bllako nuk është dënuar për korrupsion dhe nuk i është prekur asnjë qindarkë e tij.

“Erion Veliaj, jo vetëm që nuk hapet ndjekje penale ndaj tij, por ndikon në mënyrën më antiligjore në dënimin e Alqi Bllakos.

Duhet t’ju them unë ju këtu, nga pikëpamja zyrtare, për aq sa është firmë, në nivelin e tij, Alqi Bllako është më përgjegjës se çdo njeri tjetër në aferën e djegësve.

Në aferën e djegësve është sekretari i përgjithshëm i të gjithë çorbës së djegësve.

Dhe Alqi Bllako, do studioj të gjithë dispozitivin, por disa informacione më thonë se e kanë çliruar fare nga akuza e korrupsionit.

Nuk jam i sigurt. Nëse jam gabim, do e tërheq. Por informacionet e para më thonë se nuk është dënuar për korrupsion. Nuk i është prekur asnjë qindarkë nga pasuria e tij.

Alqi Bllako ishte njeriu më i ngushtë i Erion Veliajt. Lefterin nuk e kishte për gjë ai. Lefteri ishte Ladru Utile. Dhe mirë ia bënë, nuk kam asnjë keqardhje. Por në ministrinë e Lefterit, Alqi është personi përgjegjës direkt për të gjitha aferat, për të tre djegësit.

Alqi është, po të hyjmë këtu në librarinë time digjitale, do shihni se si flasin për njëri-tjetrin Erion Veliaj dhe Alqi Bllako, si dy idilistë. Se si e përcjell Erion Veliaj, me Alqi Bllakon, se tani po na bëhet deputet. Shërbeu këtu, tani do shërbejë atje.

A ndërhyri Erion Veliaj? Unë dëshirë kam të akuzoj Edi Ramën, por në këtë rast unë nuk mund të bëhem, nuk mund të devijoj. Është Erion Veliaj.

Tani më rezulton se e kanë akuzuar për shpërdorim detyre dhe jo për korrupsion. Dhe ky është një akt i shëmtuar, një akt i turpshëm.

Akuzon për korrupsion, dhe absolutisht është e drejtë, Arben Ahmetajn, pse përfaqësuesi i tij në komision ka votuar pro, në një kohë kur të gjitha këto janë bërë nën mbikëqyrjen direkte të Alqi Bllakos”, tha Berisha./ CNA