web counter
LEXO PA REKLAMA!

SHKARKO APP

App Store
Google Play

E fundit!

x

Vendimi i qeverisë për mbajtjen peng të diplomave të studentëve/ Berisha, thirrje mjekëve dhe infermierëve

2 Tetor 2023, 12:21, Politikë CNA
Vendimi i qeverisë për mbajtjen peng të diplomave të
Ish-kryeministri Sali Berisha

Ish-kryeministri Sali Berisha në një deklaratë për mediat, ka folur për tarifat e larta të studimeve me të cilat sot përballen studentët, familjet e të cilëve nuk kanë mundësi të përballojnë rritjen e tarifave.

Berisha ka komentuar gjithashtu bojkotin e mësimit nga studentët e Mjekësisë dhe vendimin e qeverisë për të mbajtur peng diplomat e tyre, duke e quajtur një akt të shëmtuar, totalitar dhe shkatërrimtar.

Lideri i demokratëve u ka bërë thirrje mjekëve dhe infermierëve të bashkohen dhe solidarizohen me protestën e studentëve.

"Tarifat e bëjnë të papërballueshëm shkollimin e fëmijës së dytë apo të tretë për më shumë se 60% e familjeve. Tarifat së bashku me qiratë dhe ushqimet e shndërrojnë universitetin në mollë të ndaluar.

Universitetet e vendit hapen sot në kushtet ku autonomia e tyre është asgjësuar tërësisht.

Korrupsion i plotë në universitete dhe në autonominë e tyre.

Një akt tjetër i shëmtuar totalitar i pashembullt në Evropë është vendosja e detyrimeve ndaj studentëve të Mjekësisë për të firmosur një kontratë detyrimi. 

Ky është akt shkatërrimtar për sistemin shëndetësor në Shqipëri. Ky akt ka bërë që qindra studentë ekselentë t'u drejtohen universiteteve të Evropës për diplomim.

Sot studentët kanë bojkotuar mësimin te Mjekësia. U bëj thirrje infermierëve dhe mjekëve të solidarizohen me studentët. Nesër do zëvendësohen me ata që po ikin. Nesër spitalet tona do mbeten bosh. Kujdesi shëndetësor, detyrimi i studentëve për të firmosur kontrata është akt diktatorial. Po cenon lirinë e studentëve, mjekëve dhe infermierëve. U bëj thirrje studentëve të universiteteve të solidarizohen me studentëve të Mjekësisë", u shpreh Berisha./ CNA





Lajmet e fundit nga