Kim Jong Un shënon përvjetorin e Koresë së Veriut me paradë

9 Shtator 2023, 17:06, Kosova & Bota CNA

Kim Jong Un shënon përvjetorin e Koresë së Veriut me

Koreja e Veriut ka shënuar 75 vjetorin e themelimit të saj me një paradë ku morën pjesë diplomatë rusë dhe një delegacion kinez.

Veprimtaria e së premtes në sheshin Kim Il Sung të Phenianit shfaqi brigada paraushtarake me uniformë.

Udhëheqësi i Koresë së Veriut Kim Jong-un, një ansambël këngësh dhe vallëzimi ushtarak rus dhe zyrtarë nga Pekini ishin të gjithë të pranishëm.

Ngjarja vjen pas thashethemeve se Kim mund të takohet me Vladimir Putin këtë muaj.

Kuptohet se Kim po planifikon të udhëtojë në Rusi për të diskutuar me presidentin rus mundësinë që Koreja e Veriut t'i sigurojë Moskës armë për të mbështetur luftën e saj në Ukrainë.

Sipas agjencisë së lajmeve Interfax, zëdhënësi i Kremlinit Dmitry Peskov nuk pranoi të komentojë mbi këtë çështje kur u pyet nga një gazetar në Moskë të shtunën.

Në një mesazh për të uruar zotin Kim për 75-vjetorin e themelimit të Koresë së Veriut, Putin tha se ishte i bindur që të dy vendet "do të vazhdojnë të forcojnë lidhjet dypalëshe në të gjitha frontet".

Ai tha se kjo do të ndihmonte në sigurimin e "sigurisë dhe stabilitetit në gadishullin Korean dhe Azinë verilindore"./ CNA

Kim Jong Un shënon përvjetorin e Koresë së Veriut me