E fundit!

21:01 TODAY

Day 48 of the protest/ Call for mobilization in front of the Parliament on July 23

The civic protest against the government has continued for...

Policia nuk mund të jetë banda e Mirel Mërtirit

2023-04-03 18:43:00, Editorial CNA

Policia nuk mund të jetë banda e Mirel Mërtirit

Fotomontazh - Mirel Mërtiri, në sfond Policia e Shtetit

Mirel Mërtiri, apo “truri i inceneratorëve”, siç e ka quajtur SPAK, u shpall në kërkim rreth dy muaj më parë nga Policia e Shtetit.

Siç raportoi edhe CNA duke iu referuar burimeve zyrtare, mesditën e 9 shkurtit të këtij viti u kryen procedurat për shpalljen në kërkim ndërkombëtar të shtetasit Mirel Mërtiri, pas kërkesës së prokurorit.

CNA.al denoncoi skandalin/ Shpallet në kërkim ndërkombëtar Mirel Mërtiri
9 Shkurt, 17:54

Ky hap i Policisë së Shtetit erdhi 48 orë pasi CNA denoncoi skandalin se “truri” i një megaafere nuk ishte shpallur në kërkim ndërkombëtar.

Skandali me Policinë e Shtetit/ Mirel Mërtiri nuk shpallet në kërkim ndërkombëtar
8 Shkurt, 10:31

Kështu ai lëvizte i lirë kudo në Evropë, ndonëse në Shqipëri kërkohej për aferën në inceneratorin e Elbasanit dhe të Fierit.

Për këtë arsye, CNA iu drejtua me një shkrezë zyrtare Policisë së Shtetit më 13 shkurt, ku e pyeste nëse shtetasi Mirel Mërtiri ishte shpallur në kërkim ndërkombëtar.

Gjithashtu, CNA pyeti Policinë nëse shtetasit Mirel Mërtiri, Stela Gugallja, Klodian Zoto dhe Giuseppe Ciaffaglione ishin ndaluar dhe nëse kishin filluar procedurat e ekstradimit për znj. Gugallja.

Policia nuk mund të jetë banda e Mirel Mërtirit

Sot pas 49 ditësh, ende nuk ka një përgjigje zyrtare nga ky institucion që përfaqëson ligjin.

Policia e Shtetit nuk mund të jetë banda e Mirel Mërtirit. Ligji duhet të funksionojë njësoj për të gjithë.

Si është përfshirë Policia e Shtetit në aferën e inceneratorëve?
17 Nëntor, 15:14

Policia nuk ka pse e fsheh faktin që Mirel Mërtiri, “truri” i inceneratorëve është në kërkim ndërkombëtar. Ndonëse ky akt u ndërmor me shumë vonesë, së paku policia duhet të bëjë transparencë.

Në fakt, ky qëndrim na tregon vetëm një gjë, që Policia e Shtetit është e përfshirë në aferën e inceneratorëve me procedura të tejzgjatura, me hapa të vonuara dhe me moskapjen e njerëzve të inceneratorëve, të cilët kanë përfituar kontrata koncensionare prej afërsisht 480 milionë euro nga qeveria shqiptare./ CNA.al