Tabaku bën fakt distancimin nga AliBasha

2023-03-20 18:29:00, Editorial CNA

Në mbledhjen e thirrur nga Alibeu në selinë e kushtueshme përballë Gjykatës Kushtetuese, përveç Enkelejdit merrnin pjesë edhe 15 deputetë.

Deputetët prezentë në mbledhje:

1- Eralda (Tase) Bano

2- Orjola Pampuri

3- Dhurata Çupi

4- Zheni Gjergji

5- Ferdinand Xhaferraj

6- Bledion Nallbati

7- Gazment Bardhi

8- Kreshnik Çollaku

9- Merita Bakiu

10- Selaudin Jakupllari

11 - Dash Sula

12- Arbi Agalliu

13- Lefter Gështenja

14- Andia Ulliri

15- Flamur Hoxha

Alibeaj, i braktisur nga të vetët/ Kush janë deputetët që i shkuan në mbledhje
20 Mars, 18:13

Ajo që bie në sy janë mungesat e shpeshta të Jorida Tabakut. Është e disata herë që deputetja e përfolur si kandidate alternative për kryesimin e Grupit Parlamentar nuk merr pjese në mbledhjet e thirrura nga Alibeu.

Sipas shpjegimeve që jep Gaz Bardhi, Jorida Tabaku ka refuzuar të ishte kandidaturë për zëvendësimin e Lulzim Bashës, pas dorëheqjes së tij nga posti i kryetarit të partisë.

Nëse besojmë Gazin, ishte pikërisht refuzimi i Jorida Tabakut që "detyroi" Gazin që të interpretonte dispozitën e statutit.

Statuti i PD shkruan që në rast mungese në detyrë të Kryetarit, Këshilli Kombëtar thirret për të zgjedhur një nga nënkryetarët si ushtrues i detyrës së Kryetarit, deri në zgjedhjen e Kryetarit të ri, (në rastin konkret mbetej edhe alternative, derisa Luli të rikthehej).

Në atë kohë nënkryetarët ishin 2, Enkelejd Alibeaj dhe Jorida Tabaku.

Gjekmarkaj ishte divorcuar me karrigen e nënkryetarit të partisë dhe ishte dashuruar tmerrësisht me karrigen e nënkryetarit të Kuvendit.

Gaz Bardhi në atë kohë shpjegoi se meqë Jorida Tabaku refuzoi të ishte kandidaturë, atëherë në kushtet kur i vetmi nënkryetar i mbetur ishte Alibeaj, nuk kishte kuptim thirrja dhe eventualisht votimi me 1 emër në Këshillin Kombëtar.

Sipas leximit që Gaz Bardhi i bëri statutit, shkresa e prodhuar prej tij caktoi Alibeun si ushtrues i detyrës së kryetarit të partisë.

Është fakt që askush nuk kontestoi në asnjë organ të partisë këtë caktim. As kryetari i Këshillit Kombëtar të kohës nuk kërkoi në Kryesinë e partisë ndonjë mbledhje të Këshillit Kombëtar. Nuk ka asnjë gjurmë beteje me shkresa kundër letrës me të cilën Gaz Bardhi interpretoi dhe më pas caktoi Alibeun si ushtrues të detyrës së kryetarit.

Tabaku bën fakt distancimin nga AliBasha

Më pas disa herë Jorida Tabaku është përkëdhelur nga grupe brenda Grupit Parlamentar, me idenë e shkarkimit të Alibeut dhe zgjedhjes së saj si drejtuese e Grupit Parlamentar.

Këto përkëdhelje duket kanë pështjelluar kokën e Joridës.

Tashmë Jorida po pret zgjedhjet dhe po bëhet gati të kandidojë për kryetare. Sipas lajmit që ndau Gazi, duket sikur në PD do ketë zgjedhje për kryetar pas datës 14 Maj.