E fundit!

16:41 Aktualitet

Marshim dhe thirrje kundër qeverisë/ Mbahet sot protesta e 45-të në Tiranë

Ditën e sotme mbahet protesta e 45-të qytetare kundër qeve...

Sa herë Tabaku sheh nga e ardhmja, e pranon Lulin kryetar

6 Mars 2023, 15:16, Politikë CNA

Pak para takimit që po zhvillon Kryesia e Vulës së Partisë Demokratike, deputetja Jorida Tabaku ndjeu se duhet të fliste dhe ajo ndonjë llaf.

Edhe foli!

Rreshtoi një listë të gjatë me parulla të tipit: Në këtë moment të gjithë demokratët të ngrihen mbi interesat personale.

Tabaku, ashtu si Gazi që cakton Enkelejdin kryetar, por pastaj gëzon kur gjykata certifikon Lulin si të tillë, u shpreh se PD-ja duhet të dalë e bashkuar në zgjedhje dhe se përballë nuk kanë njëri-tjetrin, por Edi Ramën.

E meqë Tabaku parulla di të thotë, për Bashën tha se ai është e shkuara dhe se duhet të shohim nga e ardhmja.

Tabaku nuk di ç'ka ndodhur!

Tabaku nuk lexon, se duhet të flasë!

Tabaku nuk mendon, se nuk është atje sepse mendon!

S’ka asnjë alternativë tjetër, përveçëse të bashkuar.

Kundërshtari politik është përballë nesh jo në anën tonë.

Nuk ka rëndësi fare në këtë moment që të shohë interesin personal, por të ngrihemi mbi veten tonë dhe të formojmë një forcë serioze për zgjedhjet e 14 majit, u bëj thirrje kolegëve të PD-së që së bashku të ofrojmë një ofertë serioze për shqiptarët. Është e padrejtë që në këtë moment të shohim pjesën tonë personale.

"Si qytetare, si anëtare e thjeshtë e PD-së do të jem gjithmonë për bashkimin e PD-së. Lulzim Basha ka dhënë dorëheqjen, Lulzim Basha është e shkuara e PD-së, të shohim nga e ardhmja’’, - tha Tabaku.

Sa herë Tabaku sheh nga e ardhmja, e pranon Lulin kryetar

Pas gjithë këtyre parullave patetike, Tabaku nuk tha asnjë llaf për dorëheqjen që Luli nuk e paska depozituar në gjykatë duke gënjyer gjithë demokratët. Tabaku nuk është ndier e gënjyer për këtë fakt dhe Tabaku e di se pse!

Tabaku nuk tha nëse ka parë apo ka dëgjuar ndonjëherë gjatë vitit të fundit për ndonjë autorizim të Lulit për Enkin.

Nuk u shpreh nëse beson se ajo letër është e vërtetë, apo dikush pas krahëve të Joridës ka falsifikuar në kurriz të PD-së, për të cilën Tabaku mund të sakrifikojë aq shumë saqë është gati të llogarisë edhe volumin e dherave që përpunohen në landfillin e Tiranës.

Tabakut nuk i bëri përshtypje asgjë as dje, as sot.

Ndaj thjesht ndoqi rutinën. U kreh taze, u vesh bukur, (se do ketë fotografë) dhe u nis të thoshte ca parulla të bëra gati që në darkë.

Tabaku e di se me parulla jeton gjatë. Ato parulla e kanë rritur!

Dhe tha "Luli është e shkuara", megjithëse Gjykata Lulin e njeh si të tashmen e PD-së. Të asaj PD-je, tek e cila Tabaku u nis për të marrë fjalën trotuareve.