LEXO PA REKLAMA!

SHKARKO APP

App Store
Google Play

Si të zbardhni dhëmbët në mënyrë natyrale dhe në kushtet e shtëpisë

23 Qershor 2022, 09:21, Blog CNA
Si të zbardhni dhëmbët në mënyrë natyrale dhe
Foto ilustruese

Dëshironi t’i zbardhni dhëmbët në mënyrë natyrale? Shoqata Amerikane e Stomatologjisë raportoi se kur njerëzit u pyetën se çfarë do të donin më shumë të përmirësonin në lidhje me buzëqeshjen e tyre, përgjigjja kryesore ishte, dhëmbët më të bardhë. Ja cilat janë këshillat që japin ekspertët për zbardhjen e tyre në mënyrë natyrale dhe në kushtet e shtëpisë:

Shmangni ushqimet dhe pijet që zverdhin dhëmbët

Si të zbardhni dhëmbët në mënyrë natyrale dhe

Sipas Shoqatës Amerikane të Stomatologjisë, pamja e dhëmbëve tanë ndikohet nga faktorë të brendshëm dhe të jashtëm. Faktorët e brendshëm përfshijnë moshën dhe kushtet shëndetësore, të cilat ndryshojnë ngjyrën e dhëmbëve.

Në këtë skenar, një dentist duhet të rekomandojnë zbardhjen e dhëmbëve me një agjent zbardhues për të ndryshuar ngjyrën. Por nëse ka faktorë të jashtëm apo njolla në sipërfaqe, ndryshimet e stilit të jetesës mund ta përmirësojnë pamjen e dhëmbëve tuaj.

“Shmangni çdo ushqim që përmban ngjyrues të fortë si çaji, kafeja, vera e kuqe, shafrani i Indisë, erëzat e ndryshme dhe salcat e domates, rekomandojnë ekspertët. Megjithëse nuk është realist eliminimi i plotë i tyre, të paktën mundohuni të kufizoni konsumimin e tyre.

Lini duhanin

Lënia e duhanit ka një ndikim pozitiv jo vetëm mbi shëndetin tuaj të përgjithshëm, por mund të përmirësojë edhe pamjen e dhëmbëve tuaj. Pasja e dhëmbëve më të bardhë, mund të jetë motivimi që ju duhet për ta lënë duhanin. Pirja e duhanit rezulton se ndikon në de-natyrimin e ngjyrës së dhëmbëve për dy arsye. Nikotina shkakton njolla të verdha kur bie në kontakt me oksigjenin. Së dyti, katrani është një substancë natyrale e errët, ndaj shkakton njollosjen e dhëmbëve.

Nuk ka të dhëna se është efektive shpëlarja e dhëmbëve me vaj 

Si të zbardhni dhëmbët në mënyrë natyrale dhe

Nëpërmjet mediave sociale, ju mund të keni dëgjuar për përdorimin e një ilaçi popullor indian. Ideja është që shpëlarja e gojës ma vaj i largon bakteret. Një studim i vitit 2009 në Gazetën Indiane të Kërkimeve Dentare, sugjeroi se kjo metodë mund të zvogëlojë ndërtimin e pllakave. 

Por një përmbledhje e vitit 2017 në revistën “Dental Hypotheses”, arriti në përfundimin se mungonin provat mbi këtë studim, pasi shumë studime përfshijnë madhësi të vogla të mostrave ose metoda është e gabuar. Shoqata Amerikane e Stomatologjisë nuk e rekomandon këtë metodë për shkak të mungesës së të dhënave për efektivitetin dhe sigurinë e saj. Nëse jeni të shqetësuar për zonat e vështira, mund të provoni si alternativë pastrimin me fill dentar.

Mos përdorni qymyrin e grimcuar

Flitet shumë për përdorimin e qymyrit të grimcuar për të zbardhur dhëmbët në mënyrë natyrale. Por a ka baza shkencore kjo këshillë? Qymyri është poroz dhe mund të bllokojë kimikatet, por ekspertët kanë shqetësime për sigurinë e kësaj metode.

Ka më shumë rreziqe sesa përfitime nga përdorimi i produkteve natyrale si luleshtrydhet, limoni, qymyri dhe soda e bukës. Të gjitha këto funksionojnë duke hequr njollën sipërfaqësore në dhëmbë, duke i bërë ata fillimisht të duken më të bardhë. Por me përdorimin e vazhdueshëm, ato do të heqin smaltin. Pasi të humbni smaltin, ai nuk rritet më. Nën smaltin gjendet dentina, e cila është edhe më e verdhë dhe e ndjeshme.

Mos harroni trajtimet me sodë buke

Përfitimet e sodës së bukës si një mjet për të zbardhur dhëmbët në mënyrë natyrale, përmenden shpesh. Por cilat janë provat për këtë? Soda e bukës supozohet t’i pastrojë njollat ??sipërfaqësore dhe të sjellë një buzëqeshje të shkëlqyer. Një studim i vitit 1998 i botuar në “Journal of Clinical Dentistry”, tregoi se përdorimi i pastës së dhëmbëve me bazë sodën e bukës, siguroi dhëmbë më të bardhë në krahasim me pastën pa sodë.

Por ky është një studim i vjetër dhe nuk ka asnjë provë për efektivitetin e këtij lloj trajtimi. Disa ekspertë janë të shqetësuar se soda e bukës është gërryese, sidomos nëse përdoret me tepricë. Ajo mund të dëmtojë dhëmbët dhe rrezikon të jetë kundërproduktive pasi mund të ekspozojë dentinën e verdhë që gjendet poshtë deltinës.

Lajini rregullisht dhëmbët

Shoqata Amerikane e Stomatologjisë rekomandon larjen për 2 minuta 2 herë në ditë, për të pasur një buzëqeshje të bukur. Akumulimi i pllakëzave, mund të shkaktojë njolla sipërfaqësore. Ndaj, larja e dhëmbëve rregullisht mund t’i heqë këto pllakëza dhe të përmirësojë pamjen e buzëqeshjes suaj. Por kujdes mos e teproni. Shumë njerëz mendojnë se duke i larë tej mase, ata do t’i zbardhin dhëmbët e tyre, por ajo që ndodh është heqja e smaltit.

Përkthyer dhe përshtatur nga CNA.al

Lajmet e fundit nga