E fundit!

17:32 Politikë

Zbulohet propozimi i PS-së për Reformën Territoriale/ Ja në sa bashki pritet të ndahet vendi

Mbledhja e Komisionit të Posaçëm për Reformën Administrati...

Uotergejt: Kronologjia e një skandali që rrëzoi një president dhe e ndryshoi përgjithmonë SHBA-në

21 Qershor 2022, 11:02, Blog CNA

Uotergejt: Kronologjia e një skandali që rrëzoi një

Foto ilustruese

Skandali i Uotergejtit, që rrëzoi nga pushteti presidentin e Shteteve të Bashkuara, Riçard Nikson, filloi më 17 qershor 1972, kur Frenk Uills, një roje sigurie 24-vjeçare, vuri re diçka të çuditshme gjatë një inspektimi natën në korridoret e hotelit Uotergejt në Uashington.

Hotel Uotergejt në Uashington

Dera që të çonte nga kati përdhes në parkingun nëntokësor, ishte bllokuar me një shirit ngjitës që të qëndronte e hapur. Pothuajse pa e menduar gjatë, Uills e hoqi nga dera dhe nisi kontrollin e tij rutinë nëpër godinë. Por kur pak minuta më vonë, pa se dikush e kishte vendosur sërish shiritin, njoftoi menjëherë policinë.

Në katin e gjashtë të pallatit, oficerët e policisë gjetën dhe arrestuan 5 persona, të cilët kishin hyrë fshehurazi në zyrat e Komitetit Kombëtar të Partisë Demokratike. Në fillim lajmi qarkulloi në disa media të vogla lokale, derisa 2 gazetarët e “Washington Post”, Bob Uduard dhe Karl Bernshtajn, u bindën të hetonin dhe zbuluan se ajo nuk bëhej fjalë thjesht për një vjedhje.

Në fakt, pas pak më shumë se dy vjetësh nga ajo natë, Riçard Nikson u detyrua të largohej nga Shtëpia e Bardhë. Dhe ndërsa 3 presidentë të tjerë të SHBA-së janë fajësuar në të kaluarën - Endrju Xhonson në vtin 1868, Bill Klinton në vitin 1998 dhe Donald Trump dy herë, në vitet 2020 dhe 2021 - Nikson ishte i pari dhe i vetmi që dha dorëheqjen. Të paktën deri më sot. Ja cilat janë në mënyrë të përmbledhur, fazat e faqes më të errët në historinë politike të Shteteve të Bashkuara.

Uotergejt: Kronologjia e një skandali që rrëzoi një

17 qershor 1972

Pesë burra arrestohen për hyrjen e paligjshme në zyrat e Komitetit Kombëtar të Partisë Demokratike në hotelin Uotergejt në Uashington. Njëri prej tyre kishte bashkëpunuar në të kaluarën me CIA-n.

19 qershor 1972

E përditshmja “Washington Post” zbulon se një nga të arrestuarit është një oficer sigurie që punonte për Partinë Republikane. Xhon Miçëll, drejtuesi i fushatës së Niksonit, mohoni çdo lidhje me atë që ndodhi atë natë në Uotergejt.

1 gusht 1972

Një çek prej 25.000 dollarësh nga fushata elektorale e Niksonit, zbulohet në llogarinë bankare të njërit prej të arrestuarve.

29 shtator 1972

“Washington Post” zbulon se Xhon Miçëll kontrollonte një fond sekret të Partisë Republikane, që synonte financimin e operacioneve të përgjimit ndaj Partisë Demokratike.

10 tetor 1972

FBI e vlerësoi fushatën e Niksonit me ndërhyrjen ilegale në Uotgejt, si pjesë të një projekti më të madh për sabotimin e fushatës së kundërshtarit politik.

7 nëntor 1972

Nikson, që u bë presidenti i 37-të i Shteteve të Bashkuara më 5 nëntor 1968, fiton sërish zgjedhjet presidenciale, duke mundur me një diferencë të madhe rivalin demokrat Xhorxh Mekgavërn.

3 qershor 1973

Ish-këshilltari i Shtëpisë së Bardhë, Xhon Din, pretendon gjatë hetimit se kishte diskutuar me Niksonin mbi vendosjen e përgjuesve në Uotergejt. Nis fushata për shkarkimin e presidentit.

27 korrik 1974

Komisioni i Dhomës së Përfaqësuesve miraton të parën nga 3 kërkesat e shkarkimit, me akuzën e pengimit të drejtësisë nga shefi i Shtëpisë së Bardhë.

8 gusht 1974

Riçard Nikson jep dorëheqjen. Ai zëvendësohet nga zëvendëspresidenti Xherald Ford, që më pas do ta lavdërojë, duke rrëzuar akuzat ndaj tij.

Përkthyer dhe përshtatur nga CNA.al