E fundit!

13:05 Aktualitet

Kallëzohet në SPAK Edi Rama

Grupi Parlamentar i PD kallëzon në SPAK Edi Ramën për vepr...

Të infiltruarit e Martinajt, brenda Renea-s/ Si ngecën hetimet vetëm te Jeton Lami?

29 Shtator 2022, 12:50, Aktualitet CNA

Të infiltruarit e Martinajt, brenda Renea-s/ Si ngecën hetimet

Ervis Martinaj, i regjistruar me statusin e të zhdukurit që prej 9 muajsh, ka pasur në vijimësi mbështetje nga policia.

Arrestimi i Jeton Lamit, i cili u prangos me 23 gusht nga policia e Lezhës, nxori në dritë skandalin e përfshirjes së policisë në botën e krimit.

Teksa po hetonte për zhdukjen e të shumëkërkuarit Ervis Martinaj, policia zbuloi se për t’u arratisur, Martinaj ishte ndihmuar nga një agjent i forcave operacionale në policinë e shtetit.

Të infiltruarit e Martinajt, brenda Renea-s/ Si ngecën hetimet

Por, çështja shkon edhe më tej.

Pasi, nuk është vetëm Jeton Lami, ish- oficeri i Forcave Operacionale, që ka qenë në shërbim të Martinajt, por edhe efektivë të forcave RENEA, si dhe një nga ekipet e lira që është krijuar në 2019, “Fast”, me 50 ish-komando dhe ish-ushtarakë, për gjurmimin, kapjen dhe arrestimin e elementëve shumë të rrezikshëm.

Ky informacion është bërë publik nga gazetari Poli Hoxha, pak ditë më parë, pas largimit të kreut të policisë, Gledis Nano.

“Rezulton që organizata e Ervis Martinajt, përveç shumë e shumë brenda radhëve të policisë, ka infiltruar edhe brenda RENEA-s, është krimbur edhe reparti special, RENEA. Këto reparte speciale, RENEA, Fasti, varen direkt nga drejtori i policisë së shtetit dhe këtë kanë dashur t’ia faturojnë Gledis Nanos”, ka deklaruar gazetari Poli Hoxha.

Situata sot është e tillë. Ervis Martinaj rezulton ende i zhdukur.

Jeton Lami po mbahet në burg dhe siç raportojnë gazetarët e kronikës, nuk e ka hapur gojën.

Policia dhe prokuroria ende nuk kanë një version zyrtar, pasi deklarojnë që s’ka prova.

Politika e përplas Martinajn sa majtas sa djathtas.

Dhe oficerët e policisë që i kanë shërbyer Martinajt, nuk janë prekur ende.

Ka edhe një detaj.

Pas emërimit në krye të Agjencisë së Mbikqyrjes së Agjencisë Policiorë, të Ardi Veliut, doli konkluzioni se nuk është sabotuar dhe dekonspiruar operacioni ‘Plumbi i artë”, ku një ndër 14 të akuzuarit është edhe Ervis Martinaj./CNA.al