web counter
LEXO PA REKLAMA!

SHKARKO APP

App Store
Google Play

“Revolucionalisti” Ilir Meta(j), nën hetim nga SPAK-u/ "I përkëdhelet" BE-së si i shqetësuar për portin e Durrësit

1 Shtator 2022, 11:22, Aktualitet CNA

“Revolucionalisti” Ilir Meta(j), nën hetim nga SPAK-u/ "I

Kryetari i Partisë së Lirisë, Ilir Meta, që paralajmëronte revolucion sa të nisë shtatori, ka reaguar sërish për projektin e portit të Durrësit.

Meta përshëndet qëndrimin e delegacionit të BE-së për qartësi dhe transparencë në lidhje me marrëveshjen me kompaninë arabe.

“E përshëndes qëndrimin e Delegacionit të Bashkimit Europian në Shqipëri lidhur me projektin e Portit të Durrësit dhe ndaj të njëjtat shqetësime, të shprehura edhe më herët, lidhur me nevojën për transparencë.

Shqipëria dhe Durrësi kanë nevojë për investitorë seriozë strategjikë dhe vendime të mirëkonsultuara me qytetarët, shoqërinë civile dhe ekspertët, në respekt të Kushtetutës, sovranitetit shtetëror mbi infrastrukturën strategjike, parimet e konkurrencës, detyrimet që burojnë nga Marrëveshja e Stabilizim-Asocimit dhe Procesi i Berlinit”, shkruan Meta në rrjete sociale.

Sipas tij, injorimi i këtyre detyrimeve dhe parimeve shumë të rëndësishme të funksionimit të një shteti ligjor, që synon anëtarësimin në BE, do të thotë se interesi i vetëm i kësaj Qeverie të korruptuar dhe të inkriminuar është për një tjetër aferë pas së cilës fshihet një megavjedhje dhe pastrim parash.

Kujtojmë se Meta është nën hetim nga SPAK-u./CNA.al





Lajmet e fundit nga