LEXO PA REKLAMA!

SHKARKO APP

E fundit!

x

Rama publikon pamjet/ Si do të duket stadiumi “Skënderbeu” në Korçë?

3 Maj 2023, 07:52, Aktualitet CNA
Rama publikon pamjet/ Si do të duket stadiumi “Skënderbeu”
Foto ilustruese

Kryeministri Edi Rama e ka nisur mëngjesin e sotëm me pamjet e projektit fitues për ndërtimin e stadiumit “Skënderbeu” në Korçë.

Fituesi i konkursit ndërkombëtar për projektin e stadiumit “Skënderbeu” në Korçë u shpall studioja daneze "CEBRA Architecture".

Në garë për të fituar këtë projekt ishin studioja italiane "ARCHEA Associati", ajo spanjolle "BOFILL Architecture" dhe danezët e "CEBRA Architecture".

Një ditë më parë, përfaqësuesi i kompanisë daneze, e cila fitoi garën, shpjegoi se stadiumi do të përshtatet me ndërtesat e Korçës. Sipas projektit të tyre është menduar që parku të shtrihet dhe në anën tjetër të bulevardit, në mënyrë që të lidhen të gjitha funksionet dhe rrugët, e pjesa që mbetet, është propozuar që të ketë ndërtesa të vogla. Kjo do t’i japë larmishmëri Korçës.

Kemi diskutuar shumë dhe masterplanin dhe kemi kuptuar se do t’i bëjmë të dyja këto.

Nëse duam të kemi një stadium të integruar, duhet të shohim se cila është situata përreth stadiumit dhe këto janë dy propozimet tona, dhe gjëja e dytë, ka të bëjë me funksionet çfarë mund t’i shtojmë projektit që të mbështesim elementet e jetesës në këto zona.

Ndërtesa që do të bëjmë duhet t’u përshtatet ndërtesave të Korçës. Është stadiumi, i cili është i rrethuar nga ndërtesat siç i ka Korça, por duke i sjellë në stilin bashkëkohor. Nuk flitet vetëm për futboll, por edhe aktivitete të ndryshme që do të ndodhin këtu. Ne përcaktojmë vendin dhe pastaj shikojmë llojin e ndërtesave që janë të përshtatshme për Korçën. Kemi menduar ta shtrijmë parkun edhe në anën tjetër të bulevardit.

Në mënyrë që të lidhen të gjitha këto funksione do të shikojmë se si mund të lidhen rrugët, dhe pjesa që mbetet, kemi propozuar të ketë dhe ndërtesa më të vogla. Pra, kemi kapur këtu larmishmërinë e ndërtesave që janë në Korçë dhe vërtetë mund të jenë në formë trekëndëshi. Kjo jep dhe larmishmëri që e shikoni dhe në Korçë”, tha përfaqësuesi./ CNA.al

Lajmet e fundit nga