web counter
LEXO PA REKLAMA!

SHKARKO APP

App Store
Google Play

E fundit!

x

Rama zbulon projektin ambicioz të Gjergj Lucës/ Në Maliq do ketë tren elektrik

2 Maj 2023, 16:04, Aktualitet CNA
Rama zbulon projektin ambicioz të Gjergj Lucës/ Në Maliq do
Biznesmeni e sipërmarrësi Gjergj Luca dhe kryeministri Edi Rama

Kryeministri Edi Rama, i cili ndodhet në qarkun e Korçës për takime në kuadër të fushatës elektorale, është ndalur këtë të martë në Maliq, në qytetin e ndërtuar nga biznesmeni dhe sipërmarrësi Gjergj Luca.

Biznesmeni ka publikuar një video me kreun e qeverisë dhe e cilëson këtë të fundit me nota humori si kryepatronazhistin që ka marrë më qafë dynjanë me punë.

Luca përmend projektin për të ndërtuar një pistë hipizmi nga “Rozafa” në Maliq, deri te pylli i fazanëve.

Ai bën të ditur se gjithashtu do të sjellë një tren turistik elektrik që do të përshkojë rrugën nga "Fish City" deri në pyllin e Fazanëve.

“Takim rastësor me kryepatronazhistin që me punë ka marrë më qafë dynjanë. Me punë edhe ne të Rozafës do lidhim qytezën tonë në Maliq me anë të trenit turistik elektrik, me pyllin e Fazanëve. Dhe turistët nuk do ndalojnë më vetëm në Pogradec e Korçë por edhe në Maliqin e rilindur. Në fund një puthje, puthje në ballin me djersë të punëve të mira për komunitetin dhe ekonominë lokale!”, deklaron Luca.

Ndërkohë, në video biznesmeni dhe Rama bëjnë batuta. Kreu i qeverisë deklaron se gjithmonë sulmohet personi që punon.

Biseda:

Luca: Unë si aktivist i devotshëm i punës dhe të vërtetës, më në fund e arrita qëllimin që pranë meje të vijë patronazhisti im. Ju lutem kryetari i PS-së a keni vështirësi që të patronazhoni aktivistin Gjergj Luca?

Rama: Jo që s’kam vështirësi, por e kam aq të lehtë ta besoj që do të bësh trenin elektrik këtu që të lidhë Fish City-n e Maliqit me pyllin e Fazanëve, saqë mezi po pres kur t’i marrësh ata, t’i ngarkosh në tren e t’i çosh të hanë në Fazan, meqë vijnë këtu dhe tallen me ty, se më je mërzitur që janë tallur me ty. Kështu është me njeriun e punës tallen Luc. Rëndësi ka që karvani të ecë përpara, qentë le të lehin./ CNA.al





Lajmet e fundit nga