web counter
LEXO PA REKLAMA!

SHKARKO APP

App Store
Google Play

E fundit!

x

Prokuroria e Tiranës po mbron gazetarin gjobaxhi

12 Shkurt 2026, 16:30, Aktualitet CNA

Prokuroria e Tiranës po mbron gazetarin gjobaxhi, Elio Lazen. Në fakt, kjo nuk është hera e parë që ndodh.

Kështu ka ndodhur edhe kur e arrestuan me armë dhe drogë në maj të 2021-shit dhe ishte prokurori Artan Lulaj që e ndihmoi gazetarin gjobaxhi, Elio Lazen.

Pseudogazetari gjobaxhi, Elio Laze, u arrestua me 28 maj 2021, për armëmbajtje, por edhe për drogë dhe pavarësisht këtyre dy veprave mjaft të rënda nuk bëri asnjë ditë burg.

E morën, e çuan në spital dhe e shpëtuan për shkak të shërbimeve që u bën klaneve të Erion Veliajt, kryebashkiakut të arrestuar me 13 akuza për 5 vepra të rënda penale, etj.

Çfarë ndodh sot?

Pas hetimeve, sot pseudogazetari gjobaxhi, Elio Laze, është arrestuar nga Policia e Shtetit.

Prokuroria ka kërkuar arrestimin, është stimuluar nga policia. Është prangosur dhe akuzohet për veprën penale “Shtrëngim me anë të kanosjes për dhënie pasurie”.

Në fakt, në këtë rast, nuk është “Shtrëngim me anë të kanosjes për dhënie pasurie”. Në rastin konkret është korrupsion në privat dhe korrupsioni në privat në këtë rast është i provuar.

Kjo sepse pseudogazetari gjobaxhi është një zyrtar privat, është pronar i një kompanie, pronar portalesh, i cili kërkon para për të fshirë shkrime.

Pra, kemi të bëjmë me veprën korrupsionin aktiv dhe pasiv në sektorin privat dhe kjo vepër penale i takon SPAK-ut.

Prokuroria e Tiranës, prokurori i çështjes, pa i paragjykuar, janë përballë faktit se nuk kemi të bëjmë thjesht me një “Shtrëngim me anë të kanosjes për dhënie pasurie”, por kemi të bëjmë me një vepër më të rëndë penale që është në kompetencat e SPAK-ut.

Siç kanë ndërhyrë për ta shpëtuar nëpërmjet piramidës së Prokurorisë së Përgjithshme apo Prokurorisë së Tiranës kur ka ndodhur ngjarja 5 vite më parë, janë të gjitha dyshimet e arsyeshme që e njëjta skemë të përsëritet tani dhe këtë e tregon fakti që çështjen e merr dhe e mban Prokuroria e Tiranës.

Një rast i paprecedentë që nxit gjobëvënien dhe mediat kriminale.

Në fakt, çështja duhet t’i kalonte SPAK-ut për kompetencë, i cili duhet të thellonte hetimet, jo vetëm për këtë rast, por edhe për raste të tjera të ngjashme të kryera nga i njëjti person apo dhe persona të tjera të lidhur me të.

Kujtojmë se CNA raportoi sot ekskluzivisht lajmin për arrestimin e pseudogazetarit gjobaxhi Elio Laze, pasi i kishte vënë gjobë një zyrtari të shtetit.

Elio Laze vijonte të përdorte skemat e tij me sharje, kërcënime, shantazhe dhe fyerje nëpërmjet një portali dhe pas shumë hetimeve të kryera nga Prokuroria e Tiranës, policia i ka hedhur sot prangat me vendim gjykate.

CNA mësoi se gazetari gjobaxhi i kishte kërkuar shuma të mëdha parash zyrtarit dhe është kapur në flagrancë nga uniformat blu teksa zyrtari po i jepte paratë./ CNA





Lajmet e fundit nga