web counter
LEXO PA REKLAMA!

SHKARKO APP

App Store
Google Play

Protesta/ Hoxha: Reagimet e qeverisë spostojnë vëmendjen nga mesazhi i vërtetë i tubimit

11 Shkurt 2026, 21:07, Aktualitet CNA

Protesta/ Hoxha: Reagimet e qeverisë spostojnë vëmendjen nga

Gazetari Artan Hoxha ka folur mbrëmjen e sotme lidhur me protestën e zhvilluar mbrëmjen e djeshme para Kryeministrisë dhe që më pas u zhvendos para parlamentit.

I ftuar në “Now me Erla Mëhillin”, Hoxha ka komentuar edhe reagimin e kryeministrit Edi Rama për përplasjet dhe incidentet e regjistruara në protestë. Gazetari tha se qeveria me reagimet e saj tenton të spostojë vëmendjen nga thelbi i vërtetë i protestës.

“Në e dimë se në ca situatë është pushteti. Po ashtu e dimë se këto lloj protestash janë të pamjaftueshmë për tu rrëzuar qeveria. Deri tani edhe në protestat e mëparshme, personat që janë arrestuar janë liruar nga gjykata. Pra gjykata nuk ka konstatuar se këta persona të arrestuar në protesta janë të rrëzikshëm. NË një situatë ku kemi protestues dhe polici të stërvitur, pjesën kryesore e ka policia sepse është e stërvitur për këto situata. Nuk mund të reagosh në atë lloj forme, kur ato nuk përbëjnë kërcënim. Edhe kur hidhet molotov, policia e ka informacionin se çdo ndodhë. Nuk është kaq e rrezikshme dhe e pamenaxhueshme që kryeministri të thotë kjo është partia më e dhunshme. Shikoni protestat e vendeve rreth e rrotull. Është vendosmëria që i bën protestuesit të dridhin themelet e qeverisë. Qeveria në vend që të merret me mesazhin që çon protesta dhe pakënaqësinë merret me bilancin e të plagosurve, shisheve të molotovit. Sposton vëmendjen nga thelbi i vërtetë i protestës”, tha Hoxha ndër të tjera. /CNA





Lajmet e fundit nga