web counter
LEXO PA REKLAMA!

SHKARKO APP

App Store
Google Play

Vendimi i GJKKO për Veliajn/ Gjikondi: I drejtë, u vonua për shkak të makinacioneve të kryebashkiakut

11 Shkurt 2026, 18:09, Aktualitet CNA

Juristja Brizida Gjikondi ka komentuar për CNA vendimin e Gjykatës së Posaçme kundër Korrupsionit dhe Krimit të Organizuar për të kaluar në gjykim çështjen Veliaj.

Juristja e konsideroi një vendim të drejtë por që u vonua për shkak të makinacioneve të kryebashkiakut të arrestuar të Tiranës, Erion Veliaj.

Gjikondi shprehet se, shpreson që gjyqi të ketë ritëm dhe të jetë me dyer të hapura që qytetarët e Tiranës të kenë dijeni të plotë për çdo akuzë dhe procedurë që ka të bëjë me Kryetarin e Bashkisë së tyre.

“Të vonuar për shkak të makinacioneve të zotit Veliaj por të drejtë. Shpresoj që gjyqi të ketë ritëm dhe mundësisht të jetë me dyer të hapura, qytetarët e Tiranës duhet të kenë dijeni të plotë për çdo akuzë dhe procedurë që ka të bëjë me Kryetarin e Bashkisë së tyre”, deklaroi Gjikondi.

Në seancën e 9 shkurtit, GJKKO vendosi të kalojë për gjykim çështjen në ngarkim të kryebashkiakut të arrestuar të Tiranës, Erion Veliaj dhe 29 të pandehurve të tjerë.

Mbi Erion Veliajn rëndojnë 13 akuza për 5 vepra të rënda penale.

CNA ka raportuar se Veliaj ka shtyrë 15 seanca në GJKKO duke përdorë taktika dhe makinacione të ndryshme nga frika për tu përballur me drejtësinë./ CNA





Lajmet e fundit nga