web counter
LEXO PA REKLAMA!

SHKARKO APP

App Store
Google Play

Në një email të tij për Epstein përmendej Shqipëria/ Këshilli i Europës i heq imunitetin Thorbjorn Jagland

11 Shkurt 2026, 17:57, Aktualitet CNA

Në një email të tij për Epstein përmendej

Këshilli i Evropës i ka hequr ditën e sotme imunitetin diplomatik ish-sekretarit të përgjithshëm Thorbjorn Jagland, i cili po hetohet për lidhjet e tij me abuzuesin seksual amerikan Jeffrey Epstein.  

Jagland kishte imunitet për shkak se drejtoi Këshillin Evropian, organin mbikëqyrës të Evropës për demokracinë dhe të drejtat e njeriut, për aktet e kryera gjatë mandatit të tij, i cili zgjati nga viti 2009 deri në vitin 2019.

“Heqja e imunitetit të tij do të lejonte sistemin norvegjez të drejtësisë të bënte punën e tij dhe Jagland, nëse ndiqet penalisht, të mbrohej", tha në një deklaratë Sekretari i Përgjithshëm aktual i Këshillit, Alain Berset.

Një email i zbuluar nga dosja “Epstein” tërhoqi vëmendjen, pasi përfshinte një komunikim të dërguar nga Thorbjorn Jagland për Jeffrey Epstein, vetëm një ditë pas një vizite të tij zyrtare në Tiranë. Në emailin e datës 25 maj 2012, Jagland shkruan: "Kam qenë në Tiranë, ka vajza të jashtëzakonshme".

Në një email të tij për Epstein përmendej

Vizita e Jagland në Shqipëri, më 24 maj 2012, përfshinte takime me liderë të lartë shtetërorë.

Jeffrey Epstein, i cili ishte një financier amerikan, u bë i njohur për akuzat e rënda për trafikim të të miturve, abuzim seksual dhe shfrytëzim. Ai drejtonte një rrjet të gjerë të shfrytëzimit seksual që përfshinte viktima të mitura dhe figura të larta politike, bizneseve dhe shoqërisë.

Epstein u arrestua në vitin 2019 dhe vdiq në qelinë e tij të burgut nën rrethana të dyshimta. Hetimet ndaj tij dhe lidhjeve të mundshme me individë të fuqishëm vazhdojnë të trazojnë skena politike dhe shoqërore ndërkombëtare, duke përfshirë lidhjet me figura si Thorbjorn Jagland. /CNA





Lajmet e fundit nga