web counter
LEXO PA REKLAMA!

SHKARKO APP

App Store
Google Play

Kush është gazetari gjobaxhi që u arrestua nga policia?

12 Shkurt 2026, 14:07, Aktualitet CNA

CNA ka mësuar ekzkluzivisht ditën e sotme se është vënë në pranga gazetari gjobaxhi, Elio Laze.

Kush është gazetari gjobaxhi që u arrestua nga policia?
Zyra ku u arrestua Elio Laze

Sipas informacioneve të siguruara nga CNA, gazetari është arrestuar pasi i kishte vënë gjobë një zyrtari të shtetit.

 

 

Po kush është gazetari gjobaxhi, Elio Laze?

Elio Laze është një nga veglat e një biznesmeni të shumëpërfolur për lidhjet e tij me Erion Veliajn.

Dikur gazetar në “Ora News” që sulmonte kryebashkiakun e Tiranës, më pas “gëlltiti një lugë çorbë të prishur”, të cilën me sa duket e volli sot kur e arrestoi Policia e Shtetit.

Kush është gazetari gjobaxhi që u arrestua nga policia?
Gazetari i arrestuar, Elio Laze

Laze u "ble" nga Veliaj, megjithatë nuk i shërbeu as atij, pasi nuk është hera e parë që Laze arrestohet.

Pseudogazetari që bleu Veliaj, u kap me drogë dhe armë në vitin 2022, në vend që t’i shërbente Veliajt, ky i fundit duhej ta nxirrte nga burgu.

Më pas me ndërhyrje të forta politike është çuar në spital dhe nuk ka bërë asnjë ditë burg.

Megjithatë këto nuk janë veprat e vetme penale që ka kryer pseudogazetari Elio Laze, të cilat CNA i ka raportuar edhe më herët.

Në vitin 2023, Laze është dënuar nga gjykata për shpifje, gënjeshtra dhe fyerje.

Kamikazi Laze ka bërë sulme të shumta ndaj CNA-së, ndaj stafit dhe ndaj editorit, por si gjithmonë ne ndoqëm një rrugë, rrugën ligjore. Laze mori përgjigjen që meritonte, me vendim gjykate u shpall shpifës, mashtrues dhe fyes.

Ndaj Lazes ka dhjetëra kallëzime. Së fundi është kallëzuar edhe nga CNA dhe gazetari Elvi Fundo.


Për Lazen ka kallëzime nga dhjetëra biznese dhe individë. Mësohet se një tjetër kallëzim është bërë dhe nga deputeti i Partisë Demokratike, Belind Këlliçi, për shpifje, fyerje, të cilat bëhen nëpërmjet portaleve të tij online.

Portale pas të cilëve fshihej për të vendosur gjoba ndaj zyrtarëve./CNA





Lajmet e fundit nga