Ndryshimet e klimës, pasoja shkatërrimtare në bujqësi!

22 Tetor 2022, 10:29, Aktualitet CNA

Ndryshimet e klimës, pasoja shkatërrimtare në bujqësi!

Pamje nga takimi i fermerëve në Maliq

Në Maliq jeton një prej komuniteteve më punëtorë në Shqipëri. Fushat pjellore të kësaj zone prodhojnë çdo gjë. Por këtë verë, shumë fermerë u goditën rëndë nga reshjet dhe breshëri që ranë në fund të Korrikut dhe fillim të Gushtit. Sipërfaqë të mëdha më grurë u shkatërruan, dhe po ashtu edhe pemët frutore.

Moti është kaq shumë i paparashikueshëm, sa fshatarët nuk dinë nëse duhet të gëzohen kur ka reshje apo jo, pasi shpesh ato janë me pasoja shkatërrimtare. Këto “teka” të motit janë një nga pasojat e ndryshimeve të vrullshme të klimës që po përjetojmë aktulaisht.

Ndryshimet e klimës, pasoja shkatërrimtare në bujqësi!

Sektori i bujqësisë është më i prekuri nga ky fenomen, dhe sot përshtatja e këtij sektori me kushtet e tjera që dikton natyra është një sfidë mbijetese. Fermerët shqiptarë nuk janë të informuar mbi atë që shkakton kjo dukuri natyrore në jetën dhe punën e tyre.

Pikërisht informimit të fermerëve mbi pasojat negative të ndryshimnit të klimës në bujqësi po i shërben projekti “Përshtatja e bujqësisë si sfidë përballë ndryshimeve të klimës”. Dhe takimi i radhës që u mbajt për këtë çështje ishte në Maliq, në qarkun e Korçës.

Ndryshimet e klimës, pasoja shkatërrimtare në bujqësi!

Profesor Albert Kopali, u shpjegoi të pranishmëve se çfarë është fenomeni i ngrohjes globale, nga se shkaktohet dhe çfarë pasojash prodhon ai për jetën në Tokë.

Ndryshimet e klimës, pasoja shkatërrimtare në bujqësi!

Ai renditi më pas disa nga pasojat e drejtëpërdrejta të sektorit të bujqësisë nga ndryshimet e klimës, si:

-Reduktimimi rezervës ujore.

-Ndryshimi i ciklit biologjik të bimëve

-Zgjatja e sezonit të thatë dhe të nxehtë të verës

-Çrregullimi i reshjeve dhe rritja e rrezikut të përmbytjeve.

Zona e Divjakës është brenda zonës që do të preket nga ndryshimet klimatike në territorin e vendit tonë.

Fermerët bënë pyetje konkretete si:

-Çfarë mund të bëjmë me në kushtet tona për tu mbrojtur nga këto ndryshime të klimës?

-Çfarë ndihme mund të na japë qeveria për të minimizuar pasojat negavite të tyre?

Prof. Kopali sygjeroi që fermerët të konsultohen me specialistët e bujqësisë për çështje që lidhen me kohën e mbjelljes së bimëve, pasi ciklet tradicionale kanë ndryshuar. Në kuadër të këtij projekti do të bëhet edhe trajnimi i specialistëve të agronomisë, që shërbejnë në nivel qëndror dhe lokal.

Ndryshimet e klimës, pasoja shkatërrimtare në bujqësi!

Projekti “Përshtatja e bujqësisë, si sfidë përballë ndryshimeve të klimës”, zhvillohet në kuadër të “Green-AL”, një projekt i financuar nga Agjencia Ndërkombëtare Suedeze për Bashkëpunim dhe Zhvillim me fondet e Qeverisë Suedeze, i zbatuar nga Co-PLAN, Instituti për Zhvillimin e Habitatit në bashkëpunim me CISP Sviluppo dei Popoli, VIS Albania dhe COSV - Cooperazione per lo Sviluppo”. #GreenAL #SIDA #MbrojtjaMjedisit #AdvokojmëpërMjedisin #BujqesiaKlima./ CNA.al