Kostandin Luçi sulmon “Përputhen”/ Show i pavlerë që të keqen e servir si të mirë dhe banalitetin si pozitivitet

21 Tetor 2022, 19:46, Aktualitet CNA

Kostandin Luçi sulmon “Përputhen”/ Show i pavlerë

Studio e "Përputhen"

Historiani Kostandin Luçi ka sulmuar mbrëmjen e sotme emisionin e dashurisë “Përputhen” për mesazhet që të rinjtë në këtë emission transmetojnë tek publiku.

Me anë të një statusi në rrjetet sociale, Luçi thotë se “Përputhen” është një show mediatik, i cili antivlerën e paraqet si vlerë, të keqen e servir si të mirë dhe banalitetin si pozitivitet.

Ai kërkon të bojkotohet masivisht ky emision, pasi thekson se vetëm në këtë mënyrë ne mund të krijojmë idenë dhe do arrijmë në përfundimin se dita pa “Përputhen” është shumë herë më e mirë sesa me të.

“Mjafton që të ketë shikueshmëri emisioni “Përputhen” dhe asgjë tjetër nuk ka rëndësi për Shqipërinë.

Me gjithë gjendjen e rëndë ekonomike, mungesën e thellë të ushqimit, sendeve elementare të jetesës, higjenës, ndihmës mjeksore etj, mjafton që të ketë shikueshmëri, emisioni “Përputhen” dhe asgjë tjetër nuk ka rëndësi për Shqipërinë.

Dhe kështu kemi “Përputhen”, një show i pavlerë, i cili nuk ka asgjë pozitive përveç antivlerës dhe moralit të keq që përcjell. “Përputhen”, show mediatik, i cili antivlerën e paraqet si vlerë ka bërë që një numër i madh personash t’i kushtojnë rëndësi këtij emisioni, i cili të keqen e servir si të mirë dhe banalitetin si pozitivitet.

Në fakt, unë jam i mendimit që ky emision duhet të bojkotohet masivisht, pasi vetëm në këtë mënyrë ne mund të krijojmë idenë dhe do arrijmë në përfundimin se dita pa “Përputhen” është shumë herë më e mirë sesa me të. Nuk mund ta quash diskutimin për pjesëmarrësit në këtë emision dhe debatet e tyre banale si diçka civilizuese?

Përkundrazi debatet që zënë vend në shoqërinë tonë lidhur me “Përputhen” nuk janë asgjë më tepër por vetëm një shenjë e mungesës së intelektualitetit. Unë e kam shumë të vështirë të mendoj se dikush mund të mendojë se ky emision është një spektakël që ja vlen ta ndjekësh.

Por, nuk habitem me faktin që ky show ka kaq shumë sukses sepse ai ndiqet dhe kjo është për të ardhur keq, dhe kjo tregon Tabula Rasen e mendësisë së shoqërisë tonë. Pra, të marrësh disa njerëz dhe t’i lejosh të shkatërrojnë falas shoqërinë ku ne jetojmë dhe në fund t’i falenderosh dhe t’i shpërblesh për këto banalitete, është një fyerje e inteligjencës së çdo njeriu që ka një IQ më të madhe se 60.

Por, ideja që ata që e konsiderojnë veten “intelektualë” shohin dhe diskutojnë mbi debatet dhe banalitetet e këtij shoë, më bën që ta rikonsideroj fjalën intelektual”, shkruan historian./ B.A. – CNA.al