LEXO PA REKLAMA!

SHKARKO APP

Premtimi i Ramës/ Do krijojmë auto-moto parkun, do zhvillohen gara të Formula 1

21 Tetor 2022, 18:25, Aktualitet CNA
Premtimi i Ramës/ Do krijojmë auto-moto parkun, do zhvillohen gara
Kryeministri Edi Rama

Kryeministri Edi Rama premtoi nga Elbasani, ku mbajti një takim me të rinjtë, krijimin e një auto-moto parku.

Rama tha se ky është një investim i jashtëzakonshëm me një projekt do të jetë sipas standarteve të Federatës Ndërkombëtare të Automobilave (FIA).

Sipas tij, në këtë park do të mund të bëhen edhe gara të Formula 1.

“Në Elbasan, për veç të tjerash ne do bëjmë auto-moto parkun, që është një investim jashtëzakonisht strategjik. Auto-moto parku do të bëhet me të gjitha standardet e aprovuara edhe nga FIA, që të mund të bëhen edhe gara të Formula 1. Por një garë e Formula 1, në rast se arrijmë deri aty, se çdo gjë është e mundur, se nuk ia priste mendja njeriu deri para disa vitesh që ne do kishim në Shqipëri një finale europiane futbolli. E patëm! Nëse do arrijmë deri aty, do duhen disa vite dhe është një herë në vit, ama ai auto-moto parku do jetë një vend me shumë mundësi punësimi, për ata që janë me njohur të mira në këtë gjuhën e huaj të teknologjisë.

Auto-moto parku, tani është në garë ndërkombëtare projekti, ndërkohë që puna me zonën fillon, për të krijuar aty një zonë e cila dhe nga pikëpamja mjedisore do jetë një zonë shumë e bukur, do jetë gati në një periudhë kohore 3 vjeçare. Që do të thotë që në momentin që ju jeni drejt përfundimit të shkollës, aty do ketë nevojë për një numër jo të vogël të rinjsh e të rejash që të hyjnë në punë”, theksoi kreu i qeverisë./ B.A. – CNA.al

Lajmet e fundit nga