E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Gazetari zbulon arsyen/ Pse u sulmua Majlinda Bregu

21 Tetor 2022, 17:43, Aktualitet CNA

Gazetari zbulon arsyen/ Pse u sulmua Majlinda Bregu

Gazetari Elvi Fundo

Gazetari Elvi Fundo, në një postim të tij në rrjetet sociale, ka reaguar për lajmet e një medie malazeze, e cila thoshte për sekretaren e Përgjithshme të RCC-së, Majlinda Bregun, se është nën hetim për abuzim me fondet kësaj organizate, akuza këto të përgënjeshtruara nga vetë RCC.

Fundo ka zbuluar arsyen se përse u sulmua nga media malazeze Majlinda Bregu.

Gazetari deklaron se dy ditët e fundit Bregu u sulmua nga disa media malazeze për shkak të një loje të pisët me shkrime pa burim dhe saktësime që mesa duket thelbin e kanë pasur tek marrëveshjet e sotme të Kosovës dhe Bosnjes.

Sekretarja e Përgjithshme të RCC-së, Majlinda Bregu

“Tashmë janë të gjjthë të qartë pse u sulmua për dy ditë rrjesht Majlinda Bregu.

Këta që bëhen patriotë vetëm në futboll, ishin thjesht e vetëm në shërbim të një lojë të pisët që i doli tymi.

Sot pas dy vitesh punë, Bosnja njohu dokumentat e Kosovës, edhe pse nuk e njeh si shtet.

Sot patriotët mediatikë të Malazezit skenarist morën një mesazh të qartë.

Në fakt, ne shqiptaret gjakun ta falim, por suksesin jo sepse ju vret sytë të paaftëve dhe dështakëve politikë e mediatikë.

Lexoni pak këtë zonjën më poshtë, Ministrja e Jashtme e Gjermanise.

Foto nga mbledhja në Berlin, ku u miratuan tre marrëveshjet

"RCC është partneri kryesor i negociatave rajonale dhe forca kryesore në Procesin e Berlinit. Sekretare e Përgjithshme, Majlinda Bregu, dua t'ju falënderoj personalisht për gjithë punën që keni bërë në bashkëpunimin rajonal me RCC. Ka ende shumë punë për të bërë, por gjithë çfarë është bërë deri më tani ka qenë e pabesueshme, dhe për këtë ju falënderoj shumë”, tha Annalena Baerbock, Ministre e Jashtme gjermane”, shkruan Fundo.

Ndërkohë, kujtojmë se në takimin e sotëm në Berlin u miratuan 3 marrëveshje të rëndësishme rajonale: për lirinë e lëvizjes me karta identiteti, për njohjen e kualifikimeve të arsimit të lartë dhe për njohjen e kualifikimeve profesionale për doktorët e mjekësisë, stomatologët dhe arkitektët në Ballkanin Perëndimor.

Të tre marrëveshjet pritet të nënshkruhen në Samitin e drejtuesve të Procesit të Berlinit, i cili do të mbahet në 3 nëntor në kryeqytetin gjerman, ku do të marrë pjesë dhe Bregu./ B.A. – CNA.al