E fundit!

07:08 Sociale

Vranësira dhe reshje kalimtare/ Moti për ditën e sotme, 4 qershor 2026

Ditën e enjte, vendi ynë do të ndikohet nga kushte atmosfe...

Votat e Bashës dhe Rama me mazhorancë, 97 vota

21 Tetor 2022, 10:43, Aktualitet Elvi FUNDO

Parlamenti dje votoi disa arnime të ligjit për hapjen e dosjeve.

Një lëvizje që erdhi pas disa deklarimeve që ish-presidenti, ish-kryeministri i vendit, Ilir Metaj, ka qenë bashkëpunëtor i sigurimit të shtetit.

Materiale që dolën pothuajse nga ish-komisionet e bujshme “Bezhani”, “Mezini” ishin ato që ia mbanin duart lidhur Autoritetit të Hapjes së Dosjeve.

Thjesht dhe vetëm, ndryshimet ligjore dje kishin të bënin me këtë aspekt.

Personat që janë certifikuar më parë nga Komisionet “Bezhani” dhe “Mezini” do të rihapen dhe do të shihen, pasi mendohet se qëndron edhe “thembra e Akilit”, Ilir Metaj, për të cilin mendohet se do të dalë diçka që të ndërpresë karrierën politike të tij dhe të disa individëve të tjerë që mund të kenë kaluar në dosjet e këtyre komisioneve.

Por, përtej lojërave politike dhe skemave të lexueshme tashmë, duket qartazi marrëveshja e Lulzim Bashës me Edi Ramën dhe përdorimi i gati 20 deputetëve të grupit parlamentar për të qenë pjesë e kësaj aleance.

Çfarë ndodhi?

Dje, në orët e vona në parlament u shfaq Lulzim Basha, ishte shumë i lumtur, i gëzuar dhe i qeshur pas debateve.

Lulzim Basha rikthehet ne Kuvend, pasi kishte munguar disa seanca radhazi

Filloi votimi, grupi i Lulit dhe i Alibeajt, ku janë rreth 20 deputetë, bashkuan votat me Edi Ramën.

Rama në fakt ka 77 mandate. Janë 74 të fituara prej tij dhe tri të aleatëve.

Nga ana tjetër janë gati 20 vota të Lulzim Bashës që certifikuan ndryshimet ligjore në lidhje me hapjen e dosjeve.

Lehtësisht, duket se kemi të bëjmë me një aleancë tashmë solide, të përsëritur në vota, qëndrime, dhe angazhime politike.

Lulzim Basha, edhe pse tashmë i shkatërruar dhe i djegur politikisht, pa asnjë mbështetje, ka bërë një tërheqje taktike në imazh.

Nuk shfaqet në media, nuk shfaqet në opinion publik me idenë se do t’u mungojë sjellja e tij politike shqiptarëve.

A thua se harruan bëmat e gjëmat e Lulit tetë vite në opozitë dhe tetë vite në pushtet me Sali Berishën.

Tashmë po kërkon një rrugë tjetër.

Aleancën me Ramën për të mbijetuar dhe kështu po keqpërdor një grup deputetësh, të cilët nuk janë gjë tjetër, thjesht dhe vetëm ushtarët e tij, të pamerituar, të cilët janë bërë deputetë, dikush duke blerë mandatin, dikush duke u lëpirë pas Lulit e kështu me radhë.

Në fakt grupi parlamentar i Partisë Demokratike tashmë është në alarm, është në një emergjencë të vërtetë.

Berisha ende nuk po konsolidon shumicën në grup parlamentar, për shkak të disa deputetëve që po mbajnë qëndrime neutrale.

Por, me veprimin e djeshëm të Bashës dhe Alibeajt, bashkimin e votave me Edi Ramën, e cila më shumë sesa një hap për hapjen e dosjeve, ishte një tregim se të dy janë bashkë dhe të dy kanë mazhorancë kushtetuese dhe se të dy mund të ecin përpara, me apo pa Berishën, me apo pa Ilir Metën.

Prandaj është koha që Berisha të vërë në provë neutralët. Berisha të ndajë kohën për grupin parlamentar dhe të veprojë zyrtarisht, pasi bashkimi i votave të Bashës me Ramën nuk është gjë tjetër veçse vazhdimi i hapave që Luli ka hedhur në interes të kryeministrit këto tetë vite.

Duke u treguar shqiptarëve se është aleati i tij i palëkundur.

Demokratët dhe shqiptarët nuk kanë kohë të humbin, sepse Luli kërkon të zhgërryhet, shtrihet e fërkohet në një krevat me Edi Ramën, por demokratët duhet të hedhin hapat e tyre për të mbajtur qëndrime konkrete opozitare dhe jo të shiten si plaçkë lufte nga Lulzim Basha, për shkak të disa palodeputetëve që ngrenë dhe ulin kartonin, sipas urdhrave të këtij të fundit./CNA.al